Талғат Досымғалиұлы Теменов: Нұсқалар арасындағы айырмашылық

[[Сурет:Теменов.jpg|right|200px|thumb]]'''Теменов Талғат Досымғалиұлы''' (23.11.1954 жылы туған, [[Алматы]] облысы [[Еңбекшіқазақ]] ауданы [[Малыбай]] ауылы) – [[кинорежиссер]], [[кинодраматург]], [[Қазақстан|Қазақстанның]] халық артисты (1998). [[Алматы]] мемлекеттік консерваториясының театр бөлімін (1976) және [[Мәскеу|Мәскеудегі]] бұрынғы [[КСРО]] Мемлекеттік кино жанындағы жоғары реж-лер мен сценарийшілер курсын (1986, С.А. [[Соловьев|Соловьевтің]] шеберханасы бойынша) бітірген. Алғашында [[Талдықорған]] облысы [[драма]] театры труппасында (1976 – 1780) [[актер]] болып қызмет етті. Бұдан кейін “[[Қазақфильм]]” студиясында режиссердің көмекшісі әрі сценарийші (1980 – 1982), [[кинорежиссер]] (1986 – 1987), қоюшы кинорежиссер (1988 – 1994), “Мосфильм” студиясында кинорежиссер (1987 – 1988), 1994 – 2000 жылы [[Алматы]] мемлекеттік [[театр]] және [[кино]] институтының (қазіргі Қазақ ұлттық өнер академиясы) ректоры, 2000 жылдан “Қазақфильм” кинокомпаниясының көркемдік жетекшісі, ал 2004 жылдан Қазақтың мемлекеттік академиялық жастар мен балалар театрының директоры болып қызмет атқарады. Алғаш қойған “Адамдар арасындағы бөлтірік” атты толық метражды көркем фильмі (1988) [[Майн|Майндағы]] [[Франкфурт]] қаласында өткен 15-Халықаралық кинофестивальдың Гран-при ([[Германия]], 1989), [[Италия|Италияда]] “Күміс аю” жүлдесіне (1989, [[Джиффони]]) және [[Португалия|Португалияда]] (1990) өткен Халықаралық кинофестивалінің арнайы жүлдесіне ие болды. Оның өзі жазған сценарийі бойынша қойған көркем фильмдері қатарында “Шаңырақ” (1983), “Қайдасың сен, Чапай?” (1984), “Торо” (1986), “Адамдар арасындағы бөлтірік” (1988), “Қызғыш құс” (1991), “Махаббат бекеті” (1993), т.б. бар; пьесалар да (“Алма бағы”, “Көгілдір такси”, соңғысын С.Сматаевпен бірге) жазған. Тарихи тақырыпқа қойылған “Көшпенділер” фильміне (2005) режылы ретінде қатысқан. 1994 жылдан пед. қызметпен (1996 жылдан профессор) айналысты. Теменов – “Қайырлы таң” (1979) және “Гүлнәз” (1986), “Ой жасын” (2004) атты повестер мен әңгімелер жинағының авторы. “Құрмет” орденімен марапатталған.

<ref>[[Қазақ Энциклопедиясы]], 8-том</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>