Ақшатау: Нұсқалар арасындағы айырмашылық

'''Ақшатау''', [[Қарағанды облысы|Қарағанды облысының]], [[Шет ауданы|Шет ауданындағы]] кент. Астана-Алматы автомобиль жолының сол жағында 1,5 км, аудан орталығы Ақсу-Аюлының оңтүстігінде 100 км, Қарағандыдан 220 км қашықтықта орналасқан. Түсті металл мен сирек кездесетін металлдардың орталығы ретінде [[1941]] жылы «[[Ақшатауқұрылыс]]» болып құрылған. 1941 жылдан [[вольфрам]] өндіріліп, [[1942]] жылдан «капитальная» шахтасы, №3 кен байыту комбинатының құрылысы салынды. [[1947]] жылы Ақшатау кен басқармасы болып, [[1958]] жылдан Ақшатау кен байыту комбинаты болып қайта құрылды. Оның құрамына Оңтүстік-шығыс шахтасы, Ақжал, Ортау, Қайрақты және Жамбыл рудниктері кірді. Ал, [[1987]] жылдан «[[Казвольфрам]]» өндірістік бірлестігі болып қайта құрылды. [[1996]] жылы Ақшатау кен-байыту комбинаты банкротқа ұшырауына байланысты жабылды. [[1998]] жылдан аудан әкімінің басшылығымен кенттің әлеуметтік-экономикалық жағдайын көтеру шаралары ұйымдастырылуда. 1999 жылдан бастап Ақшатау кентінің әкімшілік бағынысына Ақшатау мен Қарғалы ауылдары кіргізілді. Халқы 2050 ([[2006]]). Ұлттық құрамы: 97,7 пайызы қазақ; 2,3 пайызын өзге ұлт өкілдері құрайды. Жерiнiң жалпы ауданы 224 мың га. Кенттің әкімшілік аумақтық бағынысындағы елді мекендерінде (Ақшатау кенті, Ақшатау, Қарғалы ауылдары) 3 мектеп, жанұялық амбулатория, пошта бөлімшесі, ФАП, кiтапхана бар. Ақшатау кеңшары негiзiнде 40 шаруа қожалығы құрылған (2006). Кент басқа елдi мекендермен автомобиль жолдары арқылы байланысады. Ең жақын Ақадыр темір жол станциясы 81 км. жерде.

 

==Пайдаланған әдебиет==

<references/>

[[Санат: Абай энциклопедиясы]]

[[Санат: А]]

[[Санат:География]]

 

[[de:Aqschatau]]