Қуан Лекеров: Нұсқалар арасындағы айырмашылық

'''Лекеров Қуан''' (1896, [[Қарағанды облысы]] [[Егіндібұлақ|Егіндібұлақ ауданы]] — 23.5.[[1955]], [[Алматы]]) — әнші (драм-тенор). ҚазКСР-інің еңбек сіңірген артісі ([[1939]]). Алғашқы ұстаздары шешесі Бәдігүл мен әнші Қ.Байжанов. Жастайынан “әнші бала” атанған Лекеров майталман әншілерден (Ұ.Айтбаев, [[Иса Байзақов]], М.Уәлиқызы) тағылым алған. [[1930]] ж. Алматыға шақыртылып, Қазақ радиосында әнші болды. Қазақ мемл. драма театрының сахнасында Жапал ([[Мұхтар Әуезов]], “Еңлік-Кебек”), [[Ақан]] ([[Ғабит Мүсірепов]], “Ақан сері — Ақтоқты”), т.б. бейнелерді сомдады. 1940 жылдан Қазақ филармониясында әнші болды. 2-дүниежүз. соғыс жылдары арнаулы концерттік топтың құрамында майдан жауынгерлеріне арналған концерттерге қатысты. Оның репертуарында қазақтың халық әндері, [[Жаяу Мұса|Жаяу Мұсаның]]ның, [[Ақан сері|Ақан серінің]]нің, [[Біржан|Біржанның]]ның, [[Жарылғапберді Жұмабайұлы|Жарылғапбердінің]], сондай-ақ қазақ композиторларының әндері болды. Үнтаспаға жазылған әндері [[Қазақ радиосы|Қазақ радиосының]]ның алтын қорында сақтаулы.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>