Сенегал өзені: Нұсқалар арасындағы айырмашылық

(Senegal) — Батыс Африкадағы Гвинея, Мали, Сенегал, Мавритания жерімен ағып өтетін өзен. Фута-Джаллон тау массивінен Бафинг өз. болып басталып, Бакой саласы қосылған жерден С. аталады. Ұз. 1430 км (Бафингті қосқанда), су жиналатын алабының аум. 441 км2. Жоғ. ағысы су құламаларын жасай шоңғалды аймақпен, төм. ағысы жазықпен ағып өтеді. Атлант мұхитына атырау жасап құяды; сағасы — жағалық құмбел. Орташа су ағымы 1500 м3/с. Су тасу маусымында (маусым — қазан) Каес қ-на дейін (888 км), деңгейі төмен кезінде Подор қ-на дейін (283 км) кеме жүзеді. Суын а. ш-нда кеңінен пайдаланады. Өзен бойында СЭС-тер салынған. Балық ауланады. Жағалауындағы ірі қалалар: Каес (Мали), Подор, Матам, Бакель (Сенегал); сағасында Сен-Луи (Сенегал) теңіз порты бар.