'''Мұса Шорманұлы''' ([[1816]]-85) - [[Баянауыл|Баянауылдың]] аға сұлтаны. Омбыдағы әскери училищені бітірген. Орыс, француз тілдерінде еркін сөйлеген. 1833-41 ж. болыс басқарушы, 1841-54 ж. қазақтар атынан кеңесші, [[1851]] жылдан округтің аға сұлтаны, Ш.Уәлихановпен пікірлес болған. Халықтың ауыз әдебиетін, аңыздарын, қиссаларын жинап, [[Уәлиханов, Шоқан Шыңғысұлы|Ш. Уәлихановқа]], [[Потанин Григорий Николаевич|Г. Н. Потанинге]], Ш. М. Ядринцевке жіберіп отырған. Құнанбаймен, Абай аулымен жақсы қарым-қатынаста болып, жиі араласып тұрған. Абай Мұсаның бір баласының есімі Садуақас екенін естігенде: «Бір адамға екі бірдей адамның атын қояды екен, ол Сағид бин Уақас әкелі-балалы екі кісінің аты емес пе?»-десе, енді бірде «кіршіме» деген сөзге байланыстыда Мұсамен сөз қағыстырып, «кіршіменің» ноғай тілі емес, парсының «гаршама» - «шамаңа қара» дегенінен шыққанын айтқан.<ref> Абай. Энциклопедия. – Алматы: «Қазақ энциклопедиясының» Бас
редакциясы, «Атамұра» баспасы, ISBN 5-7667-2949-9</ref>