'''Имантау'''– — [[Сарыарқа|Сарыарқадағы]] [[Имантау тауы|Имантау тауының]] солтүстік-шығысындағы [[көл]]. [[Солтүстік Қазақстан облысы|Солтүстік Қазақстан облысының]] [[Айыртау ауданы|Айыртау ауданында]] солтүстік-батыстан оңтүстік-шығысқа қарай созылып жатыр. Аумағы 49 км2км², ұзындығы 13,1 км, енді жері 4,8 км. Орташа тереңдігі 5,7 м, ең терең жері 10 м-дей. [[Су]] жиналатын алабы 483 мың км2км². Имантаудың оңтүстік жағалауында қарағай, қайың аралас орман өседі. Оңтүстік-батыс жағасы биік, тік жарлы. Басқа жағалары жайпақ. Көлдің солтүстік-батыс бөлігін көлге сұғына енген мүйіс оқшаулайды. Орта бөлігінде тасты арал бар. Түбі оңтүстік-шығысында тастақ, солтүстігінде [[сазды]]-[[құмды]], қалған бөлігінде [[лай]] батпақты. [[Көл]] жағалауында қоға аралас [[қамыс]] қопасы өседі. [[Су|Суы]] [[гидрокарбонат|гидрокарбонатты]], минералдану мөлшері 780 – 840 мг/л. Көлге бірнеше жылға келіп құяды. Оңтүстік-шығысынан [[Иманбұрлық]] өзені ағып шығады. [[Мал]] суаруға, т.б. шаруашылықтарға пайдаланылады. көлден [[балық]] ауланады ([[торта]], [[аққайран]], [[алабұға]], [[шортан]], [[күміс түсті]] және [[сарғыш мөңке]]).<ref>[[Қазақ Энциклопедиясы]], 4-том</ref>
