{{Қорық аймақ | name =Арал ойысы| image =NizinaTuranska2001grudzien.jpg|200px | caption =| location = [[Қазақстан]]| area = | established =| governing_body = | world_heritage_site =| }}'''Арал ойысы ''' – [[Арал теңізі]] [[ойпат|ойпатын]] және оның солтүстігін, шығысы мен оңтүстік-шығысын алып жатқан [[мезозой]]-[[кайнозой]] шөгінділерінен құралған тектоник. құрылым; геоморфол. тұрғыдан алғанда солтүстік [[Қызылқұм|Қызылқұмға]] жалғасып жатқан ойпат. Тұран [[плита|плитасының]] құрамына енеді. Ауданы 350 мың км² шамасында. Арал ойысының солтүстік-шығысы, [[Тұран]] шығысы, оңтүстігі жайпақ жазық, ал Үстіртке жалғасатын батыс жағы тік жарлы болып келеді. Арал ойысы солтігінде Торғай ойысының оңтүстік шетімен, шығысында [[Аққырқақұм]] қыратымен, оңтүстігінде төменгі [[Әмудария]] мегаантиклиналімен шектеседі. Ойыстың оңтүстік-шығысындағы [[Бозкөл]] қырқасы оны шығыс Арал және [[Тәжіқазған]] қазаншұңқырларына бөледі. Арал ойысы табанының жоғары бөлігі палеозой мен триас шөгінділерінен түзілген. Оның үстін мезозой мен кайнозойдың қалыңдығы 1800 – 2000 м шөгінді жыныстары ([[саз]], [[құмтас]], [[әктас]], [[мергель]]) жауып жатыр. Арал ойысының юра мен бор шөгінділерінде [[мұнай]] мен [[газ]], палеоген жыныстарында қоңыр [[көмір]], [[темір]] кендері кездеседі, сондай-ақ жер асты суының мол қоры бар.
<ref name=source1> [[Қазақ энциклопедиясы]] I том</ref>
