'''Абай даңғылы''' - [[Қазақстан Республикасы|Қазақстан Республикасының]] астанасы [[Алматы]] қаласындағы [[Ленин даңғылы]] мен Сайын атындағы көшелерді перпендикуляр жалғастырып жатқан үлкен көше. Ұзындығы 9400 м. 1961 ж. көшеге Абай Құнанбаевтың есімі (бұрынғы Бас арық көшесі) берілген. Абай даңғылының шығыс басында Республика сарайы, Абай алаңы және Абай ескерткіші, «Қазақстан» қонақ үйі, Саясаттану және басқару институты ғимараттары шоғырланған. Абай даңғылын жағалай: [[Қазақстан Республикасының Ұлттық кітапханасы]], [[Орыс драма театры]], [[Қазақ драма театры]], [[Орталық стадион]], [[Спорт сарайы]], [[Неке сарайы]], [[Республикалық цирк]], [[Баспалар үйі]], [[Жобалау ғылыми-зерттеу институты]], [[Абай шығармашылық институты]] т. б. көптеген ғылыми-мәдени, шаруашылық-тұрмыстық ұйымдар мен мекемелер орналасқан. Абай даңғылы өте әдемі көгалдандырылып, көшенің екі жағын биік ағаштар тізбегі көмкерген, ортасын қақ жарып жатқан әсем гүлзар көшенің оқтай түзулігін көрсетіп, төңіректегі ғимараттарды әрлендіріп тур. Абай алаңындағы ақын ескерткішінің биік тұлғасы даңғылға қаратылған. Қазақстан астанасының мәдени орталығындағы [[Абай алаңы]], [[Абай ескерткіші]] және Абай даңғылының тоғысуы қайталанбас сәулеттік-мәдени кешен құрайды. <ref> Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9</ref>
* [[Абай даңғылы (Алматы)]] - Қазақстан Республикасының астанасы Алматы қаласындағы Ленин даңғылы мен Сайын атындағы көшелерді перпендикуляр жалғастырып жатқан үлкен көше.
==Пайдаланған әдебиет==
* [[Абай даңғылы (Астана)]] - Абай даңғылы К. Күмісбеков көшесінен басталып, А. Пушкин көшесінде аяқталады.
