Антимонит: Нұсқалар арасындағы айырмашылық

 

'''Антимонит''' , стибнит, сүрме жылтыры – [http://сульфид сульфид]тер класының [[минерал|минералы]]. Химиялық формуласы: Sb2S3. Ромбылық сингонияда [[призма]], [[бағана]], [[ине]] тәрізді болып кристалданады. Агрегаттары тығыз, ұсақ дәнді, шашыраған [[сәуле]] және шатысқан талшық тәрізді болып, ал кейде [[кварц]]тың ішінде сеппе түрінде кездеседі. Түсі – [[қорғасын]]дай сұр, металша жылтыр. Қатт. 2 – 2,5; морт сынғыш, меншікті салмағы 4,5 – 4,6 г/см3. Негізінен гидротермальдық кендерде кездеседі. Гипергендік алаптарда жылдам ыдырап сүрменің сары және қызғылт түсті оксидтеріне ([[валентинит]], [[сервантит]], [[сенармонтит]], т.б.) айналады. Антимонит Қазақстанда кең таралған. Антимонит кентасынан сүрме металы өндіріледі. Оны үйкеліске төзімді қасиеті бар заттар жасауға пайдаланады. Сонымен қатар сүрме қоспалары резеңке өндірісінде, жеңіл өнеркәсіпте, [[медицина|медицинада]], шыны өндірісінде қолданылады.<ref> Қазақстан Республикасының табиғаты, 7 том; </ref>