'''Шеміршек ұлпасы''' (хрящевая ткань); (textus cartilagineus, лат. {{lang-la|textus}} — ұлпа, ткань; {{lang-la|cartilago}} - шеміршек) — [[қаңқа]] [[дәнекер ұлпасы]]. [[Шеміршек]] [[ұлпа]]сыұлпасы [[жасуша]]лардан және жасушааралық заттардан құралған. Жасушааралық заттың құрылыс ерекшеліктеріне байланысты ол: гиалинді, эластинді және талшықты шеміршек ұлпалары болып үш түрге бөлінеді. Гиалинді шеміршек ұлпасының клеткааралық заты мөлдір біркелкі болып келеді. [[Эластин|Эластинді]] шеміршек ұлпасының клеткааралық затында эластин талшықтары, ал талшықты шеміршек ұлпасында коллаген талшықтарының будалары болады. Шеміршек ұлпасы сыртынан шеміршекқаппен (перихондрий) қапталған. [[Шеміршек]] ұлпасының жасушаларына [[прехондробласт|прехондробласттар]], [[хондробласт]]тар, хондроциттер жатады. Жасушааралық зат — шеміршек ұлпасының негізін құрайды. Оның құрғақ салмағының 50-70% коллагеннен тұрады. Жасушааралық заттың құрамына хондрин талшықтары мен хондромуконд ([[мукополисахарид]]) кіреді<ref>Цитология және гистология. Оқу құралы. Сапаров Қ.Ә. - Алматы: Қазақ университеті, 2009. - 128 бет. ISBN 978-601-247-057-4 </ref>. Шеміршек ұлпасы организмде тіректік, қорғаныс және механикалық қызметтер атқарады.<ref> Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9</ref>