'''''Модель'''(франц.'' ({{lang-fr|modele}}, лат. {{lang-la|modulus}} – [[өлшем]])<ref>Рахимбекова З.М. Материалдар механикасы терминдерінің ағылшынша-орысша-қазақша түсіндірме сөздігі ISBN 9965-769-67-2 </ref> – белгілі бір зерттелетін нысанның ой түсінігі арқылы немесе материалдық түрде жасалған шартты үлгісі (бейнесі, сұлбасы, сипаттамасы, т.б.). Модель мен түп нұсқаны бір-бірінен абсолютті түрде айыруға болмайды. Қарастырылып отырған құбылыс немесе процесс абстрактылық нысандар мен [[математика|математикалық]] заңдылықтар түрінде берілетін модель [[математикалық модель|математикалық модель]] деп аталады. Модельдің ең қарапайым түрі нысандарды көрнекі етіп сурет, кескін, сызба формасында графиктік түрде көрсету. Модельдің ''екінші түріне'' – нысандардың, процестер мен құбылыстардың ауызша (қандай да бір тілдің көмегімен) суреттелуі, сипатталуы жатады. ''Үшінші түрі'' – [[ақпараттық-логикалық модель|ақпараттық-логикалық модель]] , ауызша сипатталған нысанды кескіндеп көрсету (формалау). ''Төртінші түрі'' – [[динамика|динамиканың]] ішкі заңдарын, өзара әсерін, қасиеттерін көрсететін физикалық нысандардың, құбылыстар мен процестердің математикалық түрде сипатталуы. Мысалы, белгілі бір физикалық процестің уақыт ішінде өтуін баяндайтын [[дифференциялдық теңдеулер жүйесі|дифференциялдық теңдеулер жүйесі]] осы процестің моделі деп аталады. Модель ұғымы [[логика|логика]], математика, [[физика|физика]], [[химия|химия]], [[кибернетика|кибернетика]], [[лингвистика|лингвистика]], т.б. ғылым салаларында қолданылады. Ғылымда модель ұғымы әдетте [[модель жасау әдісі|модель жасау әдісін]] қолдануға байланысты аталады. Алгебра мен математика логиканың тоғысқан жерінде арнаулы пән – [[модельдер теориясы|модельдер теориясы]] қалыптасты.<ref name="Source 3">[[Қазақ“Қазақстан”: Энциклопедиясы]]<Ұлттық энцклопедия/ref><br>Бас редактор Ә. Нысанбаев – Алматы “Қазақ энциклопедиясы” Бас редакциясы, 1998