Элам тілі: Нұсқалар арасындағы айырмашылық

'''Элам Тілі''' – өлі тіл. Ертедегі Элам мемлекеті тұрғындарының тілі. Э. т-нің басқа тілдермен туыстық байланысы толық анықталмаған. Дегенмен, зерттеушілер оның қазіргі дравид тілдерімен туыстық жақындығы барын айтады. Ертедегі Э. т-нің пиктограф. жазбалары (сурет жазуы) қазіргі жазумен аударылмаған. Э. т-нде сақталған жергілікті иероглифпен, сына жазуымен (аккад варианты) жазылған шаруашылық құжаттары б.з.б. 3-мыңжылдыққа жататын Нарамсина жазба ескерткіші мен 14 – 12 ғ-лардағы орта элам дәуірінің жазбалары сақталған. Б.з.б. 8 ғ-дағы жазбалар жанрлық жағынан әр түрлі болып келеді. Кейінгі Э. т. Ахемен әулетінің ресми тілі болғандықтан, бұл кезеңнен қалған ескерткіш көп. Алайда бұл кезеңде Э. т. басқа тілдердің әсеріне ұшыраған. Оны Э. т-нің лексикасынан, морфол., синтаксистік құрылымынан байқауға болады. Типол. жағынан Э. т. агглютинативті (жалғамалы) тілге жатады. Септік категориясы жоқ, шылаулар жүйесі дамыған.