Шәрапи Әлжанов

Әлжанов Шәрапи (1901-1938)- профессор, 1925 жылы мәскеудегі әскери педагогикалық курсқа түсіп, 1932 жылы сондағы ұлттар ағарту институтының аспирантурасын бітірген. 1932-1938 жж. арасында қазақтың абай атындағы педагогикалық институтының педагогика және психология кафедрасының меңгерушісі және сондағы педагогика факультетінің деканы болды. Оның еңбектері: "Ес және есте қалдыру мәселелері", "Ой мәселесі", "Дағдылық мәселесі" т.б. Ол еңбекгерінде июкірт психологиясының жас және дара ерекшеліктері туралы эстетикалық тәрбиенің психологиялық астарлары туралы, сондай-ақ психология мен педагогиканың қазақша терминдік атаулары сөз болады. Оның 1934 жылы "Абайдың педагогика туралы көзқарасы" дейтін мақаласы "Әдебиет майданы журналында (N4) жарияланды. Мақалада ғұлама ақынның психологиялық пікірлері туралы да сөз қозғайды. Психологияның ұлттық терминдерін жасауға атсалысқан. С.Балаубаевпен бірлесіп А.3алкиндтің "Педологиясын" қазақ тіліне аударған. Оның қолтаңбасы Қазақстан кітап қорының Академиясында сақтаулы. Ш.Әлжанов жеке басқа табынудың құрбаны болып, 1938 жылы ату жазасына кесілген.