Кәдімгі мысықторғай: Нұсқалар арасындағы айырмашылық

'''Кәдімгі мысықторғай'''<ref>[[Қазақ Энциклопедиясы|"Қазақ Энциклопедиясы"]], 6 том</ref> ({{lang-la|Oriolus oriolus}}) – [[торғайтәрізділер]] отрядына жататын [[сайрағыш құс]]. [[Қазақстан|Қазақстанда]] [[Алтай|Алтайдан]] Батыс [[Тянь-Шань|Тянь-Шаньға]] дейін және [[Сырдария]], [[Жайық]] өзендері алқаптарындағы ормандарда кездеседі. Қоразының түсі айқын сары болып, тек қанаттары сарғыштау дақ араласқан қара келеді. Көбею кезінде мекиендерінің арқасы, басы мен мойны жасыл сары реңді болады. Дене тұрқы 25 см-дей, салмағы 50 – 80 г-дай. Оның ән салғандағы үні алыстан естіледі. Бір нәрседен сезіктенгенде [[мысық|мысықтың]] мияулағанындай дыбыс шығарады. Жыл құсы. [[Сәуір]] – [[мамыр]] айында келіп, ұясын қайың, тал, алма ағаштарының бұтақтарына аспалы тор сияқты іліп қояды. Оған 3 – 5 [[шұбар]] жұмыртқа салып, мекиені 13 – 15 күнде балапан басып шығарады. 20 күннен кейін балапандары ұядан ұшады. [[Мысықторғай|Мысықторғайлар]] орман мен бақ ағаштарына зиян келтіретін жәндіктер мен олардың дернәсілдерін жеп пайда да келтіреді. [[Қыркүйек|Қыркүйектің]] басында қыстау үшін жылы жаққа ұшып кетеді.