Кендір: Нұсқалар арасындағы айырмашылық

[[Сурет:Apocynum cannabinum 5.jpg‎|right|thumb|]] '''Кендір'''(Apocynum) – кендірлер тұқымдасына жататын көп жылдық өсімдіктер туысы. Негізінен [[Солтүстік Америка]], [[Оңтүстік Еуропа]] және [[Оңтүстік Шығыс Азия|Оңтүстік Шығыс Азияда]] өседі. [[Қазақстан|Қазақстанда]] [[Сырдария]], [[Іле]], [[Шу]] өзендері алабында өсетін 4 түрі, оның ішінде жиі кездесетін түрі – [[қызыл Кендір]] ([[Apocynum lancіfolіum]]) бар. Биіктігі 120 см-дей сабағы мықты, бұтақты, тік өседі. Жапырағы ұзынша не сопақша келген қандауыр пішінді, шеті иректелген. Гүлі ұсақ, ақ, қызғылт, күлгін қызыл түсті. Гүлшоғыры – сабақ басына орналасқан шашақ. [[Маусым]] – [[шілде]] айларында гүлдеп, [[тамыз]] – [[қыркүйек|қыркүйекте]] жемістенеді. Жемісі – көп тұқымды қабатталған жапырақша. Тұқымы ұсақ, түкті болады. Қызыл кендірдің сабағынан мата тоқуда, арқан есуде пайдаланылатын өте мықты ұзын талшықтар алынады. Кендір құрамында [[каучук]], оның жер астындағы өркендерінің қабығында былғары өнеркәсібінде қолданылатын [[илік заттар]] бар. Тамыр сығындысынан алынатын [[цимарин глюкозиді|цимарин глюкозидінің]] дәрілік маңызы зор.<ref>[[Қазақ Энциклопедиясы]]</ref>

 

== Пайдаланылған әдебиеттер ==

<references/>