Ғұмар Ғарифоллаұлы Ахметчин

Ғұмар Ахметчин (8.9.1941) - журналист. <ref> "Қазақ телевизиясы", Энциклопедия, "ҚазАқпарат" Алматы, 2009 1-т, ISBN 978-601-03-0070-5 . ҚазМУ-ді бітірген (1968). 1966 жылы облыстық "Қостанай таңы" ("Коммунизм таңы") газетінде мәдениет және тұрмыс, хат бөлімдерінің меңгерушісі, 1984 жылы редактордың орынбасары және бас редакторы болды.

1992 жылы облыстық әкімінің баспасөз хатшысы қызметіне тағайындалады. Бұл қызметті 2000 жылы наурыз айына дейін атқарды. 1998-99 жылдары "Қостанай таңы" облыстық газетінің бас редакторы болды, қазір облыстық әкімі аппаратының бас маманы, әрі 2002 жылдан бері Қазақстан Жазушылар одағы Қостанай облыстық филиалының директоры қызметін қоса атқарып жүр. Республикалық "Ара" журналының Қостанай облыстық бойынша штаттан тыс тілшісі. 

"Жалын" баспасынан "Қолды болған қораз", "Көзілдіріктің кесірі", "Көзі сынық тебен", "Елорда" баспасынан "Ұмытшақтық зобалаңы" сатиралық жинақтары жарық көрді. Қазақ КСР Жоғарғы Кеңесінің Грамотасымен, бірнеше медальмен, Оның ішінде "Астана" және "Тәуелсіздікке - 10 жыл" медальдармен марапатталған. ҚР-ның еңбек сіңірген мәдениет қызметкері.