Жанұзақ Аязбеков

Жанұзақ Аязбеков (10.2. 1954.) - тележурналист.<ref> "Қазақ телевизиясы", Энциклопедия, "ҚазАқпарат" Алматы, 2009 1-т, ISBN 978-601-03-0070-5 . ҚазМУ- ді (1977), Алматы Жоғары партия мектебін (1984) бітірген.

Еңбек жолын Қостанай облыстық телерадио комитетінде редактор болып бастап, жастар редакциясының меңгерушісі, аға редактор, облыстық радионын бас редакторының орынбасары (1977-1988), Қостанай облыстық партия комитетінің баспасөз жөніндегі нұсқаушысы (1987- 1991), Қазақ радиосы мен Қазақ теледидарының "Қазақстан" және "Хабар" агенттігінің Қостанай облысындағы меншікті тілшісі (1991-1995), Қостанай облыстық телерадиокомпаниясы төрағасының орынбасары, осы компания құрылымындағы "Заман" телеарнасының директоры қызметтерін атқарды (1995-1998). 

1998 жылы ҚР ТРК АҚ Костанай филиалы директорының орынбасары - бас редакторы. Мәскеуде өткен IV Еуразиялық телефорумына "Қазақ тұлпары" авторлық бағдарламасымен қатысқан (2001), КР ТРК АК телебайқауында "Апта" ақпаратты сараптау бағдарламасымен республикада 1- орынға ие болған (2002), облыс әкімінің "Облыстың ең үздік репортері" атты арнайы сыйлығының жүлдегері (1999), ҚР мәдениет, ақпарат және қоғамдық келісім министерінің (2000), Қазақстан Журналистер одағының құрмет грамоталарымен марапатталған. "Қазақстан Тәуелсіздігінін 10 жылдығы" медальінің иегері (2002), 2008 жылы қазақ теледидарының 50 жылдығына орай "Алтын жаршы", 2009 жылы Қазақстан Журналистер одағының "Қазақстанның құрметті журналисі" Құрмет белгісімен марапатталды.