Жерсағыз: Нұсқалар арасындағы айырмашылық

'''Жерсағыз''' , құмсағыз (Chondrіlla) — [[күрделі гүлділер тұқымдасы|күрделі гүлділер тұқымдасына]] жататын көп жылдық, кейде екі жылдық шөптесін өсімдік. [[Қазақстан|Қазақстанда]] шөл-шөлейтті, құмды жерлер мен жазық далаларда өсетін 16 түрі бар, соның ішінде [[ірі жерсағыз]] (Ch. mасra), [[мойынқұм жерсағызы]] (Ch. mujunkumensіs), [[Боссэ жерсағызы]] (Ch. bosseana) — [[Балқаш]] — [[Алакөл ойысы|Алакөл ойысының]], [[Мойынқұм]], [[Бетпақдала|Бетпақдаланың]] сирек кездесетін өсімдіктері. Көп тараған түрлері: [[қысқатұмсықты жерсағыз]] (Ch. brevіrostrіs) және [[ақ түкті жерсағыз]] (Ch. canescens). Биіктігі 30 — 100 (150) см-дей. Бұтақты сабағын түк басқан. Жебе тәрізді сүйір жапырақтары кезек орналасады. Сары түсті, қос жынысты гүлдері себет [[гүлшоғыр|гүлшоғырына]] топталған. Тұқымынан көбейеді. Маусым — қыркүйекте гүлдеп, қазан айында жемісі піседі. Тұқымы — ұзынша жолақты дән, оның ұшында қалың түкті айдарлары болады. Жерсағыздың тамыры мен сабағында ақ сүті болады, одан кепкеннен кейін сағыз алынады. Жерсағыз — каучук алатын өсімдіктер. Оның — [[Кузнецов жерсағыз]] (Ch. kusnezovіі) деген түрі, қорғауға алынып, Қазақстанның “[[Қызыл кітап|Қызыл кітабына]]” енгізілген.<ref name="source1">"Қазақ Энциклопедиясы"</ref><ref> Отырар. Энциклопедия. – Алматы. «Арыс» баспасы, 2005 ISBN: 9965-17-272-2 </ref>