Сүлеймен таулары: Нұсқалар арасындағы айырмашылық

'''Сүлеймен Таулары''' – [[Иран]] таулы қыратының шығысындағы, [[Пәкістан]] жеріндегі тау жүйесі. Ұзындығы 600 км, ені 350 км-дей, орташа биіктігі 2000 – 2500 м. Ең биік жері Обашта-Цукай немесе Тахте-Сулейман (“Сүлейменнің тағы”, 3441 м) шыңы. Тау жоталары негізінен меридиан бағытында орналасқан, батысқа қарай ендік бағыттағы жоталар тармақталады. Оңтүстікке қарай тау жоталары төбесі тегістелген ауқымды таулы үстірттерге айналады. Жоталар аңғарлармен күшті тілімделген. Негізінен әктас пен құмтастан түзілген. Сүлеймен тауларына тропиктік құрғақ климат тән. Таудың батыс беткейі құрғақ шөлейтті, шығыс беткейі [[Үнді Мұхиты|Үнді мұхитынан]] келетін [[Муссондар|муссондар]] әсерінен [[САВАННА|саванна]], сирек ормандар белдеміне ауысады. Онда [[Емен|емен]], пісте ағаштары, тау басына қарай [[Арша|арша]] басым өседі.