|
|population_total = 50 650
}}
'''Жітіқара ауданы'''– [[Қостанай облысы|Қостанай облысының]] батыс бөлігіндегі әкімшілік бөлік. Жерінің аумағы 7,3 мың км2. Тұрғыны 56,5 мың адам (1999). Аудан аумағындағы 33 елді мекен 1 қалалық, 1 кенттік және 10 ауылдық әкімшілік округке бөлінген. Орталығы – [[Жітіқара қаласы]]. Ауданның аумағы шығысқа қарай еңіс келеді. [[Орал]] сырты үстіртінің орта бөлігін алып жатыр. Оның ең биік жері ауданның оңттүстік-батыс жағындағы [[Жітіқара тауы(тау)|Жітіқара тау]] (414 м). Кен байлықтарынан [[асбест]], [[каолин сазы]], құрылысқа жарамды тас, [[құм]], [[әктас]] т.б. кездеседі. Климаты тым континенттік, қаңтардың орташа ауа температурасы –17С, шілдеде 20С шамасында. Жауын-шашынның жылдық орташа мөлшері шығыстан батысқа қарай 250 мм-ден 350 мм-ге дейін өзгереді. Жер беті сулары ауданның оңтүстік және шығыс шекараларымен ағып өтетін [[Тобыл|Тобыл өзенінен]], оның сол салалары – [[Бозбие]], [[Ақтастысай]], [[Шортанды]], [[Желқуар|Желқуар өзендерінен]] және Тобылдың бойында орналасқан кішігірім көлдерден тұрады. Топырағы қара, қызыл қоңыр карбонатты, оларда, көбінесе, бетеге мен жусан, селеу, өзен бойларында шалғынды шөптер басым өседі. Жабайы жануарлардан қасқыр, түлкі, қоян, саршұнақ, тышқандардың бірнеше түрі, құстардан кезқұйрық, бозторғай, бөдене, сары және ақ шымшық, қызғыш, қарға мен сауысқан мекендейді, өзен-көлдерде: қаз, үйрек, қасқалдақ, шағала кездеседі, аздап балық ауланады. Халқының орташа тығыздығы 1 км2 -ге 8 адамнан келеді. Халқының 68%-і қалада және қала типті кентте тұрады (Жітіқара қаласы және [[Пригородный кенті]]). Ірі ауылдары: Тоқтаров, Чайковское, Тургеневка, Мықтыкөл, Милютинка, Жалтыркөл, т.б. Өнеркәсібі “Костанайасбест” акционерлік қоғамы, мемлекеттік [[Жітіқара жылу энергетикалық компаниясы|“Жітіқара жылу энергетикалық компаниясы”]] қазыналық кәсіпорны, “Булудов” жекеменшік кәсіпорны, одан басқа нан, сүт зауыттары, т.б. кәсіпорындардан тұрады. Жітіқара аданының [[ауыл шаруашылығы|ауыл шаруашылығына]] пайдаланатын жері 440,5 мың га, оның ішінде жыртылған жері 259,2 мың га, шабындығы 1,3 мың га, жайылымы 180,0 мың га (2000). 1996 жылға дейін 10 астық, 2 қой, 1 көкөніс-сүт кеңшары және [[Львов тәжірибе станциясы]] болды. Қазір олардың негізінде ауданда 340-тан астам шаруа (фермер) қожалықтары мен 18 серіктестік құрылды. Ауданда 30 мектеп, 1 мәдениет үйі, 2 кітапхана, 1 ауд. аурухана, 18 [[фельдшерлік-акушерлік]], 6 [[дәрігерлік-амбулаторлық пункттер]] жұмыс істейді. Экономикалық-әлеуметтік байланыстары [[Қостанай]] – [[Жітіқара]] темір жолымен және [[Қостанай]] – [[Жітіқара]], [[Жітіқара]] – [[Забеловка]], [[Жітіқара]] – [[Волгоградское]] –[[ Жалтыркөл]] автомобиль жолдары арқылы жүзеге асырылады.<ref>[["Қазақ Энциклопедиясы"]], 4 том 3 бөлім</ref>
== Пайдаланылған әдебиеттер ==
|
