Валлондар: Нұсқалар арасындағы айырмашылық

'''Валлондар''' — [[Бельгия|Бельгиядағы]] [[Валлония|Валлония]] облысының тұрғын халқы. Саны 3,9 млн. (1995). [[Франция|Франция]] (60 мың) мен [[АҚШ|АҚШ-та]] (80 мың) да тұрады. Орта [[еуропа|еуропалық]] [[нәсіл|нәсілге]] жатады. [[Француз тілі|Француз тілінің]] валлон диалектісінде сөйлейді. Арғы ата-бабалары кельт және белг тайпаларынан тарайды. 1830 ж. фламандтармен бірігіп дербес Бельгия мемлекетін құрған. Валлондардың негізгі кәсіптері — [[егін шарушылығы|егін]] және [[мал шарушылығы|мал шарушылығы]]. Жазықтық жерлерде [[бидай|бидай]], [[арпа|арпа]], [[картоп|картоп]], [[қант қызылшасы|қант қызылшасын]] егеді. Ал қыратты жерлерді қоныстанғандары мал, көбіне [[сиыр|сиыр]] бағады. Валлондардың басым көпшілігі қалаларда тұрады, мәдениеті мен тұрмыс-тіршілігі жағынан Валлондар солтүстік-шығыстағы француздарға ұқсас келеді. Көбіне биік дуалмен қоршалған бір, кейде екі қабатты үйлерде тұрады. Ұлттық тағамдары: картоп, [[көкөніс|көкөніс]], жарма, балық. Сондай-ақ, [[кофе|кофе]], [[сүт|сүт]], [[сыра|сыра]]. Ерлер француздар секілді берет пен ұзын көйлек, әйелдер ұзын, жолақты белдемшенің сыртынан қара алжапқыш тағынады. Иықтарына орамал жауып, бастарына жиегі кең қалпақ киеді. Діни мейрамдарында ән салып, би билеп, құс қауырсындарымен әшекейленген бас киім киген сайқымазақтың қатысуымен салтанатты шерулер өткізеді.<ref name = "source1">“Қазақ Энциклопедиясы”, II-том</ref>

==Пайдаланылған әдебиет==

<references/>

 

{{stub}}

{{wikify}}