Бүйіржүйкелілер: Нұсқалар арасындағы айырмашылық

'''Бүйіржүйкелілер ''' (Amphіneura) – [[моллюскілер]] типінің бір тармағы. [[Кембрий]] кезеңінен белгілі. 1300-дей түрі бар. Сауыттылар және сауытсыздар кластарына бөлінеді. Сауыттылардың (Lorіcata нe Polyplacophora) арқа жағындағы бақалшағы 8 пластинкадан тұрады. [[Дене]] тұрқы 1 мм-ден 30 – 40 мм-ге жетеді. Денесінің [[бауыр]] жағында жалпақ табанды аяқтары болады. Басы денесінен нашар бөлінген, [[сезім мүшелері]] болмайды. 4 – 80 жұп [[Желбезек|желбезектері]] арқылы тыныс алады. [[Қан]] айналу жүйесі ашық, [[жүрек|жүрегі]] ішегінің үстіне орналасқан. Дара [[жыныс|жынысты]], сырттан ұрықтанады, бөліну нәтижесінде тохофораға ұқсас еркімен жүзіп жүретін [[дернәсіл|дернәсілдер]] дамиды. Негізінен судағы [[Балдырлар|балдырлармен]] қоректенеді, араларында жыртқыш түрлері де кездеседі. Бұлардың кейбір түрлері (мыс., Chіton tuberculatus) тағам ретінде пайдаланылады. Олар көбінесе [[Жағалау|жағалауда]] мекендейді. Сауытсыздардың (Aplacophora нe Solenоgastres) бақалшағында аяғы жоқ, [[құрт]] тәрізді денесі [[кутикула|кутикуламен]] қапталған, ізбесті қабыршақтары, инелері болады. Дене тұрқы 3 см-ден аспайды. Көпшілігі [[теңіз]] түбінде мекендейді, баяу жылжиды. Бүйіржүйкелілер негізінен гермафродиттер, арасында дара жыныстылары да бар. [[Метаморфоз]] жолымен өсіп-өнеді.

 

[[Санат:Биология]]

[[Санат:Қазақстан табиғаты]]