Бүршікті феллориния: Нұсқалар арасындағы айырмашылық

'''Бүршікті феллориния ''' (Рhellorіnіa strobіlіna) – [[базидиомицет|базидиомицеттер]] класына жататын қалпақшалы [[саңырауқұлақ]]. [[Қазақстан|Қазақстанда]] [[Арал]] маңы, [[Қарақұм|Қарақұмда]], [[Сыр өңірі|Сыр өңірінде]], [[Мойынқұм|Мойынқұмда]] кездеседі. Тақыр жерлер мен [[құмайт]] [[топырақ|топырақтарда]], [[шөл]], [[шөлейт]] жерлердегі [[сортаң]] топырақта өседі. Жемістік денесінің биікт. 24 см-дей. Пішіні [[конус]] тәрізді. Сарғыш түсті сабақтары 4 – 5, кейде одан да көп болады, ұшы үшкірленіп біткен бүршік тәрізді өсінділерден құралған. [[Саңырауқұлақ|Саңырауқұлақтың]] аты да осыған байланысты қойылған. Бүршік тәрізді өсінділерінің ең сыртқы қабаты қалың көлденең жолақты [[белдеуше|белдеушелерден]] тұрады. Белдеушелерінің жолағы ақшыл қоңыр және сарғыш қызғылт түсті болып кезектесіп орналасады. Сыртынан қарағанда өте әдемі көрінеді. Бүршікті феллориния әбден піскен кезде жолақты үшкір бүршікті өсінділері опырылып түсіп қалады. Жеуге жарамсыз. Бүршікті феллориния өте сирек кездесетін, жойылып бара жатқан [[реликт]] түр болғандықтан қорғауға алынып, [[Қазақстан|Қазақстанның]] «[[Қызыл кітап|Қызыл кітабына]]» енгізілген.

 

[[Санат:Биология]]

[[Санат:Қазақстан табиғаты]]