Буилер әулеті: Нұсқалар арасындағы айырмашылық

'''Буида әулеті''', [[Бувейхи]]лер, Батыс [[Иран]] мен [[Ирак]]ты 935 – 1055 жылдар аралығында билеген. Негізін ирандық [[Зийари]]лер әулетінің қолбасшылары болған үш ағайынды – [[Ахмед]], [[Әли]] және [[Хасан]] салған. Олар 935 жылы [[Бағдад]]ты бағындырып, [[Аббас]] әулетінен саяси билікті тартып алды. [[Image:Dailam soldier.jpg|thumb|200px|[[Иран]]ның Буи [[Дайламан]] сарбазы.]] Сөйтіп іс жүзінде дербес билеушілерге айналып, өз әулеттерінің атынан мемлекетті Буида мемлекеті деп атады. Ал Аббас әулетінің өкілдері халифа атағын өздерінде сақтап қалғанымен, тек дін істерімен ғана айналысатын болды. Буида әулетінің өкілдері 10 ғасырдың 2-жартысынан бастап [[шахиншах]] атағын иеленді. Буида әулетінің көрнекті өкілі – [[Адуд ад-Даула]] (949 – 983) уақытша болса да барлық дербес иеліктерді бір [[мемлекет]]ке біріктірді. Оның кезінде Буида мемлекетінің [[астана]]сы – [[Шираз]]да, Бағдадта, т.б. қалаларда үлкен құрылыстар салынып, суару тармағы кеңейтілді. [[Иқта]]ға берілген жерлердің көлемі артты, [[ислам діні]]нің шииттік бағыты қамқорлыққа алынды. Бірақ 10 ғасырдың соңы мен 11 ғасырда елде билік үшін талас басталып, мемлекет әлсіреп кетті. 1029 жылы мемлекеттің шығыс бөлігін [[Махмұд Ғазнауи]] өзіне бағындырды. 1055 жылы елге [[салжұқтар]]дың баса-көктеп кіруі Буида әулетінің билігін түпкілікті жойды.

<ref> [[Қазақ энциклопедиясы]],10 том</ref>

==Пайдаланылған әдебиеттер==

<references/>