'''Жалпақтал''' - [[Казталов ауданындағыауданы]]ндағы ауыл, әкімшілік округ орталығы. Аудан орталығы — Казталов аулынан шығысқа қарай 60 км жерде, [[Қараөзен ауылдық округі|Қараөзеннің]] сол жағалауындағы [[бетеге]], [[боз]], [[селеу]] және әр түрлі [[Астық тұқымдасы|астық тұқымдас]] шөптесін өсімдіктер өсетін шалғынды-қоңыр топырақты дала белдемінде орналасқан. Тұрғыны 5,2 мың адам (1999). Осы ауыл табанына алғаш көшіп келіп қоныстанған орыстар — [[Сламихиндер отбасы]]. Кейін отырықшылар саны көбейіп, елді мекен [[Сламихин станицасы]] аталған. [[Шіркеу]], [[мешіт]], бірнеше [[диірмен]] салынған. Станица тұрғындары — казак-орыстар, қазақтар, татарлар [[Қараөзен]] мен [[Сарыөзен|Сарыөзеннен]] балық аулап, мал өсіріп күнелткен. 2 бастауыш ұлдар және қыздар мектебі ашылған. Жылына бір рет үлкен [[жәрмеңке]] өткізіліп, Ресейдің ішкері қаларынан, шет елдерден саудагерлер келіп, айырбас сауда жасаған. Станицада бай-көпес [[Овчинниковтар отбасы]] да түрған. Оның 1904 ж. салдырған үйі әлі бар. 1919 ж. наурызда В.Чапаев, Д.Фурманов бастаған [[Қызыл армия]] станицаны ақ гвардияшылардан азат етіп, Кеңес өкіметін орнатқан. Сондықтан елді мекенге және ауданға Фурманов есімі берілді. 1993 ж. ауылдың тарихи — Жалпақтал атауы қайтарылып, ол 1997 жылға дейін аудан орталығы болды. 1997 жылдан Жалпақталда және әкімшілік округіндегі Құлан аулында 7 [[Шаруа Қожалығы|шаруа қожалығы]], 4 [[Жауапкершілігі шектеулі серіктестік|ЖШС]], 1 өндірістік кооператив және 4 акц. қоғам құрылды. Ірі кәсіпорындары: ''«Жалпақтал агроремқамту»'' және ''«Семсер»'' [[Акционерлік қоғам|акционерлік қоғамдары]]. Жалпақталда 2 орта мектеп, эстет. бағыттағы өнер мектебі, спорт Жалпақтал мектебі, 2 кітапхана, мәдениет үйі бар. Халыққа аурухана, емхана, тубдиспансер қызмет көрсетеді. Жалпақтал арқылы Орал-Казталовка автомобиль жолы өтеді.<ref>Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8 </ref>
