'''ЖЕНЬШЕНЬЖеньшень''', женшен, тіршілік тамыры (Рапах gіnseng) – [[аралия тұқымдасы]], [[панак туысы|панак туысына]] жататын көп жылдық шөптесін өсімдік. Табиғи жағдайда [[Қытай]], [[Корея]], [[Ресей|Ресейде]] ([[Приморье]] және [[Хабаров]] өлкесінде) өседі. [[Қазақстан|Қазақстанда]] мәдени түрде өсіріледі. Биіктігі 50 см-дей. Тамыры жуан, бұтақтанған, сыртқы қабығы ақ, қатты. Тік сабағынан 2 – 5-тен ірі, саусақ салалы жапырақтары тармақталып шығады. Ақшыл жасыл түсті, қос жынысты ұсақ гүлдері дара, [[шатырша гүлшоғыры|шатырша гүлшоғырына]] жиналып, сабақтың ұшында жетіледі. Тек тұқымынан көбейеді. Шілде айында гүлдеп, тамызда жемісі піседі. Жемісі – ашық қызыл түсті қос дәнді сүйек жеміс. Оны құстар таратады. Женшень өте баяу өседі. 10 – 11 жылдан кейін жеміс бере бастайды. 100 жылдай жасайды. Женшень – бағалы [[дәрілік өсімдік]]. Оның тамырында [[тритер|тритерпен]] глюкозидтері (сергіткіштік қасиеті бар) кездеседі. Женшень тамырынан дайындалған дәрі-дәрмек, [[ұнтақ]], тұнба медицинада организмнің жалпы тіршілік қабілетін, ауруға төзімділігін арттыруға, кейбір жүйке және жүрек-қан тамыры ауруларын емдеуге қолданылады.<ref name="source1">"Қазақ Энциклопедиясы"</ref>
