'''Сүлейменов Ыбырайым''' (1911, [[Сарысу ауданы]] – 15.10.1943, [[Ресей]], [[Невель қаласы]]) – 2-дүниежүзілік соғыс қаһарманы. Сарысу ауданының «Қызыл Күншығыс» кеңшарында еңбекке араласып, 1939 жылы [[Жамбыл ауданы]] ауданындағындағы Жамбыл МТС-нде тракторшы болып істейді. 1941 жылы Қызыл Армия қатарына шақырылып мергендікке баулынады. Калинин майданының сапындағы алғашқы шайқастардың өзінде ғ470000 мергендік винтовкасымен 79 фашисті жер жастандырады. Великие Луки қаласы үшін болған шайқаста 60 жаудың көзін жояды. 1943 жылы күзінде Невель қаласы үшін болған кескілескен шайқаста Сүлейменов 102 фашисті өлтіріп, өзі де асқан ерлік көрсетіп қаза табады. Ержүрек жауынгердің денесі Кеңес Одағының Батыры Мәншүк Мәметовамен бірге Невель қаласының орталығына қойылған. Ы.Сүлейменов Ленин, Қызыл Жұлдыз ордендерімен, «Ерлігі үшін» медалімен марапатталған. Оның ерліктері жайлы 3-ші тегеурінді Армияның командирі болған ген. К.Н. Галицкийдің «1941 – 44 қаһарлы жылдар шежіресі», Ә.Нұршайықовтың «Невель түбінде», «Автопортрет», Қ.Шәріповтің «Қатардағы қаһарман», «Қаруластар» атты кітаптарында, Б. Адамбаевтың «Ыбырайым батыр» атты поэмасында, академигі С.Бәйішевтің, тағы басқа естеліктерінде кеңінен баяндалады. Невель қаласында көше, Сарысу ауданында бір шаруашылық, Тараз қаласындағы орталық көшелердің бірі Сүлейменовтің атымен аталады.
