Климент Аркадьевич Тимирязев: Нұсқалар арасындағы айырмашылық

Content deleted Content added
Өңдеу түйіні жоқ
Өңдеу түйіні жоқ
1-жол:
[[Сурет:Kliment Timiryazev.jpg|thumb|250px]]'''Тимирязев Климент Аркадьевич''' (3.6.1843, [[Ресей]], [[Петербург]] қ. – 28.4.1920, [[Мәскеу]] қ.) – табиғат зерттеушісі, өсімдік физиологиясы орыс мектебінің негізін қалаушы. [[Петербург]] ҒА-ның корр. мүшесі (1890 жылдан). [[Петербург]] университетін бітірген (1865). 1869 жылдан Егіншілік және орман академиясында (қазір К.А. Тимирязев атындағы Мәскеу а. ш. академик) оқытушы болды. 1877 ж. [[Мәскеу]] университетіне профессорлыққа сайланды, өмірінің соңғы 10 жылында жазушылық-шығармашылық жұмыспен айналысты. Ғылыми жұмыстарының негізгі бағыты өсімдік физиологиясына арналған. Тимирязев негізінен [[фотосинтез]] процесін зерттеді; спектрлік анализді қолдана отырып, фотосинтездің белсенділігі түсетін жарықтың қарқындылығына байланысты болатынын, ол үшін жарық спектрінің қызыл және көк сәулелерінің маңызды рөл атқаратынын бірінші болып дәлелдеді. Тимирязевтің қолдауымен [[Петербург]] академиясының аумағында өсімдіктерді қолдан өсіруге арналған Ресейдегі бірінші вегетац. үй салынды. [[Чарльз Роберт Дарвин|Ч.Дарвиннің]] эволюциялық ілімін [[Ресей|Ресейде]] ең алғаш насихаттаушылардың және оны ілгері дамытушылардың бірі болды. Ол қазіргі кезде тіршілік етіп жүрген организмдер ұзақ уақыт эволюцияның нәтижесінен пайда болған деп көрсетті. “[[Дарвин теорияларының қысқаша очеркі]]” (1865), “[[Ч.Дарвин және оның ілімі]]” (15-басылымы, 1941), “[[Биологиядағы тарихи әдістер]]” (1922), “[[Өсімдіктің құрғақшылықпен күресі]]” (1893), т.б. еңбектерінде өсімдік физиологиясын, тіршіліктің, дүниенің табиғи құбылыстарын тәжірибелік әдістермен ұштастыра жүргізудің тиімділігін материалистік тұрғыдан дәлелдеді.
Тимирязев [[Лондон]] корольдік қоғамының мүшесі (1911), [[Глазго]] (1901), [[Кембридж]] (1909), [[Женева]] (1909) университеттерінің құрметті докт., [[Эдинбург]] ботаникалық қоғамының мүшесі (1911) болды. [[Мәскеу]] қаласында Тимирязевке ескерткіш орнатылып, [[Мәскеу]] а. ш. академиясына, [[Ресей]] ҒА-ның Өсімдік физиологиясы институтына, [[Мәскеу|Мәскеудің]] бір ауданына Тимирязев есімі берілді, тұрған үйінде мұражай ұйымдастырылған.
<ref>Қазақ ұлттық энциклопедиясы, 18 том</ref>