Михаил Александрович Шолохов: Нұсқалар арасындағы айырмашылық

}}

'''ШОЛОХОВ Михаил Александрович''' (24.5.1905, қазіргі [[Ростов облысы]] [[Вешенск ауданы|Вешенск ауданы]] – 21.2.1984, сонда) – [[орыс]] жазушысы, [[КСРО]] ҒА-ның академик (1939), Социалистік Еңбек Ері (1967). Ауқатты шаруа отбасында дүниеге келген. Шіркеу-приход мектебінде және гимназияда оқыған. [[Ресей_империясының_азамат_соғысы|Азамат соғысы]] жылдары азық-түлік мекемелерінде істеді. 1922 ж. [[Мәскеу|Мәскеуге]] келіп, әр түрлі жұмыстар атқарды. 1923 – 24 жылдары алғашқы әңгімелері мен [[фельетон|фельетондары]] [[баспасөз]] бетіне жарияланып, кейіннен 1926 жылда шыққан “[[Дон]] әңгімелері” және “Мұнарлы дала” жинақтарына енді. Бұл әңгімелердің тақырыбы – Дондағы азамат соғысы, орыс деревнясындағы әлеуметтік өзгерістер, адам санасының өзгеруі, т.б. мәселелер болды. 1925 жылы ол туған жеріне қайтып оралып, қалған өмірін сонда өткізді. Сол жерде '''Шолохов''' “[[Тынық Дон]]” романын (1 – 2 кітаптар, 1928; 3 кітап, 1929 – 32; 4 кітап 1937 – 40.) жаза бастады. Бұл роман авторды дүние жүзіне танытты. Романда бүкіл бір [[революция|революциялық]] дәуірдің тарихи оқиғалары кең қамтылып, [[орыс әдебиеті]] жаңа биікке көтерілді. Мұнда адам факторы мен тарих мәселесі қатар өрілген. Романдағы Г. Мелехов образы – дүние жүзі әдебиетіне үлкен жаңалық болып енді. Ол әр жағынан толық, терең және барлық қыр-сырымен ашылды. Келесі романы “Көтерілген тың” (1 кітап, 1932; 2 кітап, 1960) 1920 – 30 жылдары болған орыс деревнясы өміріндегі өзгерістерді көркем баяндап берді. [[Екінші_Дүниежүзілік_соғыс|2-дүниежүзілік соғыс]] жылдарында '''Шолохов''' “Правда” газетінің майдандағы тілшісі болды. Ол газетте көптеген әңгімелер, очерктер жарияланды. Соғыс жылдары “Олар Отан үшін шайқасты” романының кейбір тараулары (1943 – 44) жарияланды. 1949 – 69 жылдары қалған тараулары жазылғанмен бұл роман толық аяқталмай қалды. Шолоховтың соғыс тақырыбына жазған “Адам тағдыры” әңгімесі дүние жүзі әдебиетіндегі елеулі құбылыс саналады. Онда соғыс кезіндегі жеке адамның [[трагедия|трагедиялы]] тарихы баяндалады. Әңгіменің идеясы – соғыстың сұрапыл сұмдығын көрсетумен бірге жақсылыққа сендіру, ерлікті паш ету.

<ref>[[Қазақ энциклопедиясы]] 9 том</ref>

<ref>Каратаев М., В семья единой, А.-А., 1976</ref>