Астана қаласының Бас жоспары: Нұсқалар арасындағы айырмашылық
Content deleted Content added
Өңдеу түйіні жоқ |
|||
114-жол:
Расында, «Абу Даби Плаза» - [[Қазақ елі]] мен [[Біріккен Араб Әмірліктері]] арасындағы ынтымақтастықтың жарқын нысанына айналып отыр. Таяуда, 13 қазанда Қазақстан Көшбасшысы Нұрсұлтан Назарбаев БАӘ президенті, Абу Даби әмірі шейх Халифа ибн Зайд әл-Нахайянмен кездескен болатын. Биік деңгейдегі келіссөздер барысында екіжақты ынтымақтастықтың қазіргі жай-күйі мен оны дамыту перспективалары талқыланған. Атап айтқанда, «''Абу Даби Плаза''» ірі бірлескен жобаны жүзеге асыру және оған инвестиция тарту мәселелері әңгіме болыпты.
Бір назар аударар жайт, ғаламат жобаның құрылысы нақты түрде тек биылғы жылдың басында басталды. Осы орайда Астанада, биылғы наурыз айында «Абу Даби Плаза» кешенін салу туралы жаңа келісімге қол қойылды. Қазақстандық тараптан құжатты Үкімет уәкіл еткен Индустрия және жаңа технологиялар бірінші вице-министрі Альберт Рау, Астана әкімінің бірінші орынбасары Сергей Хорошун, ал Біріккен Араб Әмірліктері тарапынан - БАӘ Үкіметі уәкілдік берген, «Алдар Евро Азия» компаниясының директоры Роджер Гаундри бекітті. Жаңа үшжақты келісімнің егжей-тегжейі жарияланбады.
Қалай болғанда, нысан «төлқұжатына» сәйкес, бұл ғаламат құрылыс енді 2015 жылдың маусымында аяқталуға тиіс. Бірақ оны мердігерлер мерзімінен бұрын 2014 жылдың желтоқсанында бітіруі де ғажап емес. <br />
Қазіргі кезде құрылыс алаңында - қызу тірлік. Бірі келіп, бірі кетіп жатқан алып жүк көліктері жер қазу кезінде шыққан құмды қала сыртына, алысқа әкетуде. «Абу Даби Плаза» құрылысының І және ІІ жұмыс кезеңдерінің мердігері - түркиялық атақты Земин Текноложиси А.Ш. (Зеташ) компаниясының Земин Текноложиси Улусларарасы филиалы (''Zemіn Teknolojіsі Uluslararasі A.S''.) танылыпты. Осы орайда біз Земин Текноложиси Улусларарасының директоры Семих Чухадарды сөзге тартқан едік.
Одан қазіргі кезде «жер ішіндегі қабырға» жұмыстары біткендігін білдік. Маманның түсіндіруінше, бос жатқан ұлтарақтай жердің өзі алтынға пара-пар ірі мегаполистерде жерасты құрылысы ең бір перспективті даму бағыты болып табылатын көрінеді. Осы орайда «жер ішіндегі қабырға» (стена в грунте) жоғары технологиялы әдісінің өзектілігі артқан. Бұл технология үлкен тереңдікте ғимараттың конструкциясын құруға мүмкіндік беретін көрінеді. «Жер ішіндегі қабырға» тек терең котловандардың қоршауы ғана емес, сондай-ақ бір уақытта ғимараттың іргетас-фундаменті және қабырғасы қызметін атқара алады екен. Бұл әдіс күрделі гидрогеологиялық жағдайларда да қолданылады, сонда «суды төмендету» (водопонижение), «''қатыру''» (''замораживание'') құрылғыларының қажеттілігі болмайтын көрінеді. Тағы бір қызығы, бұл әдісте «бұрғыинъекциялық жер қыртысы анкерлері» де жасалады екен. Сонда қабырғаның беріктігі мен орнықтылығы артады.
Семих Чухадар бізге көкке ұмтылған заңғар [[ғимарат|ғимараттың]] іргетасының биіктен басар зіл салмаққа сыр бермеуіне көмектесетін, беріктігіне септесетін осындай тың технологиялар жайында айтып берді. «Бұл үшін жерастына тереңдетіп, жалпы саны 860 тірек-свай ендіріледі. Олардың әрқайсысының жалпақтығы, яғни диаметрі - 1,20 метрден 1,50 метрге дейін! Егер алып ғимаратты бұтақты биік бәйтерекке теңесек, бұлар - соның жердің астына кетіп жатқан тамырлары деуге келеді. Бұлардың барлығы қағылатын емес, құйылмалы свайлар. Алдымен [[жер]] бұрғыланып, қажетті диаметрде қазылады, сосын онда арматурадан каркас жасалып, «тоқылып», соған бетон құйылады». Бұл ретте пайдаланылатын материалдардың қазақстандық өнім екендігі айтылды. <br />
«''Абу Даби Плазаның''» құрылыс алаңында енді қазба жұмыстары мен тіреу-қазық (свай) қағу жүргізілмек. «Биылғы жылдың желтоқсанының ортасына қарай қазу жұмыстары бітуге тиіс, бұл - құрылыстың жұмыс кезеңінің 1-ші фазасы, - дейді Земин Текноложиси Улусларарасының директоры.
Ал келесі 2012 жылдың наурыз айына дейін қазық қағу жұмыстары, яғни ІІ кезең бітуі керек». Құрылыста 30-ға жуық жергілікті жұмысшылар жұмыс істеуде екен. Мұның сыртында [[Түркия|Түркиядан]] 70 қызметкер тартылыпты. Құрылыс алаңында 3 бұрғылау машинасы, 2 қуатты кран, көптеген жүк көліктері және басқа да техникалық құралдар жұмыс жасауда. <br />
«Абу Даби Плаза жаңа әкімшілік орталықтағы басқа да зәулім ғимараттар орналасқан ауданда салынуда. «88 қабаттық алыпты Астана жері көтере алар ма екен?» деп сұрадық Чухадар биден. Оның өзінің мамандығы инженер-геолог екен. С.Чухадар жердің асты «барланғанын», геологиялық зерттеулерінің бәрі бар екендігін хабарлады. Сосын осындай алып ғимараттардың іргетасын әзірлеуде Зеташ фирмасының мол тәжірибе жинағанын нықтады. «Біз қазір Астанада жасап жатқан жұмыстарды Зеташ бүкіл дүниежүзі бойынша атқаруда деуге болады, - деді директор Семих Чухадар.<br />
- Біздің компания дүниедегі ең бір биік ғимараттардың іргесін жасауда. Дубайдағы ''Prіncess Tower'', Etіhad Towers, Elіte Tower, Бакудегі құмды, теңіз ауданы жеріндегі SPS Yard Petrol Platform, Грузиядағы Radіsson SAS Hotel, Вьетнам сынды елдердегі басқа да ғимараттар сеніп тапсырылған». Зеташ, тіпті Ресейдің Сібіріндегі Анадырда, цельсий бағанасы бойынша-53 градусқа дейін баратын өте суық ауа райы шарттарында жұмыс жасауда екен. <br />
Сөз соңында Семих Чухадар өздеріне жүктелген құрылыс жұмыстарының «уақытынан кешікпей, бітетіндігіне» сендірді.
[[Астана]] төрінде бой көтеретін заңғар «''Абу Даби Плазаның''» құрылысы қазір тәулік бойы, күн-түн демей жүргізілуде. <ref>http://www.aikyn.kz/index.php?option=com_content&task=view&id=10642&Itemid=2</ref>
| |||