Астана қаласының Бас жоспары: Нұсқалар арасындағы айырмашылық

Абу-Даби Плаза урбанистік ғажайыпты [[ағылшын]] [[Норман Фостер]]дің командасы жобалаған екен. [[Хай-тек]] үлгісіндегі [[архитектура]]ның әлем таныған лидері саналатын британдық сәулетшісі, Астанада Пирамида тәріздес пішінді, сонысын тіпті жатжұрттық қонақтар да қызық көріп, жапыр-жұпыр суретке түсіріп жататын Бейбітшілік пен келісім сарайы, «Хан Шатыр» футуристік ойын-сауық кешені - соның туындысы. Лорд Фостер ғаламат тағы бір жобаға қолтаңбасын қалдырып отыр. Кешен тіпті миниатюралық үлгіде де шығармашылық ой мен қиялдың батылдығымен таңғалдырады.<br />

«Абу Даби Плаза» - «қала ішіндегі қалаға» айналмақ. <br />

Көпмұнаралы «Абу Даби Плаза» кешенінде екі қонақүй орналасады деп ойластырылған. Мұның сыртында онда жалпы аумағы 80 мың шаршы метрді құрайтын әлемдік стандарттағы кеңселік-офистік орын-жайлар, сондай-ақ сауда орындарының галереясы орын тебетіндігі жоспарланған. Кешен адамдардың өмір сүруіне де сәйкестендірілмек: мұнда 450 «бизнес» сыныпты пәтерлер мен «люкс» сыныпты - қызмет көрсетілетін апартаменттер болады деп күтілуде. Тұрғындар мен басқа да келімді кетімді кісілерге «темір тұлпарларына» арналып, 4100 орындық автотұрақ жайластырылмақ. <br />

Болашақта «Абу Даби Плазаны» монорельстік жол арқылы Астананың басты әуе және темір жол «қақпаларымен» қосу жоспарлануда. Астана қаласының Жолаушылар көлігі және автомобиль жолдары басқармасының мәліметінше, жеңіл рельсті көлік желісін салу 3 кезектен тұрады: <br />

1-кезек - «Абу Даби Плаза» кешенінен [[Сығанақ көшесі (Астана)|Сығанақ көшесінің]] бойымен [[Қабанбай батыр даңғылы]]ның қиылысына шығып, ары қарай осы даңғылдың бойымен «Астана - Киевка» автожолының 9-шақырым қиылысына дейін жетіп, одан әрі «Астана» халықаралық әуежайына апармақ. Осы бағыт бойында барлығы 8 станса болатын көрінеді. Құрылысы келесі жылы басталуға тиісті<br />

2-кезек - елорданың темір жол вокзалынан бастау алып, [[Біржан сал көшесі (Астана)|Біржан сал]], Затаевич және Потанин көшелерінің бойымен [[Сарыарқа даңғылы (Астана)|Сарыарқа даңғылына]] шығады да, одан соң [[Тұран даңғылы (Астана)|Тұран даңғылы]], [[Сығанақ көшесі (Астана)|Сығанақ көшесі]] арқылы «Абу Даби Плаза» кешеніне қарай бұрылады. Оның бойында 7 аялдама бой көтереді деп күтілуде.<br />

3-кезек те темір жол вокзалынан Гете көшесінің бойымен [[Республика даңғылы (Астана)Республика даңғылының]] бұрылысына дейін келіп, ары қарай [[Бөгенбай батыр даңғылы (Астана)|Бөгенбай батыр даңғылымен]], [[Шоқан Уәлиханов көшесі (Астана)|Уәлиханов]] және [[Кенесары көшесі (Астана)|Кенесары көшелерінің]] бойымен, [[Абылай хан даңғылы (Астана)|Абылай хан]] және [[Бауыржан Момышұлы даңғылы (Астана)|Б.Момышұлы даңғылдарымен]], [[Тәуелсіздік көшесі (Астана)|Тәуелсіздік]] және [[Сарайшық көшесі (Астана)|Сарайшық]], №19 көшелерінің бойымен [[Сығанақ көшесі (Астана)|Сығанақ көшесінің]] бұрылысынан «Абу Даби Плаза» кешеніне тоқтайды.<br />

17 шақырымдық бұл жолда 13 аялдама болады деген дерек айтылды. Қалай болғанда, бар жол бір жерге бастайды! Жолдың жалпы ұзындығы 41,81 шақырым болатындығы хабарланған. Бұл көліктік жобаны [[2014]]-жылға қарай іске қосу жоспарлануда. Биылғы шілде айында Елбасы [[Нұрсұлтан Назарбаев]]тың қатысуымен осы «Астана қаласының жаңа көліктік жүйесінің» іргетасына капсула қалау рәсімі өтіп, жобаны жүзеге асыру басталды. Осы мақсатта бас қала әкімдігі арнайы маманданған компанияны - «Астана LRT» ЖШС-ін құрды, елордалық жеңіл рельсті трамвайды жолға қоюға енді сол жауапты. Бірінші кезек аясында франциялық Альстом компаниясы шығаратын жүрдек трамвайларды (пойыз) қолдану жоспарлануда. Ал әуежай мен «Абу Даби Плаза» арасында 70 сағатына шақырым жылдамдықпен барлығы 12 пойыз қатынайды деп күтілуде (кейінгі кезекте тағы 37 пойыз сатып алу көзделген). Әр пойыздың сыйымдылығы - 258 адам. Стансаларда жолаушыларды пойыздардан автоматты жіберу жүйесі бөліп тұрады екен. <br />

Егер ресми дерекке жүгінсек, «Абу Даби Плаза» өзегіне ғылым мен техниканың ең жаңа жетістіктері өрілгелі отыр және де ол дүниежүзінің озық елдерінде танымал бола бастаған «экодизайнның» әлемдік үлгісіне де айналуы ғажап емес: ғимараттардың төбесінде, күмбездер астында қысқы бақтар жайқалады деп жобаланған, ал бүкіл инфрақұрылымды автономды түрде электрмен қамтуға күн қуаты пайдаланылады деп күтілуде, бұл үшін күн батареялары орнатылатын көрінеді. Осы орайда «Алдар» компаниясының басшылығы «Абу Даби Плаза» кешенінде «тұрғын үйлік, кеңселік және ойын-сауық нысандарын тұрғызу кезінде қолданылатын стандарттардың жаңа деңгейі іске асырылатындығына» сендірді. <br />

Астанадағы «ең амбициозды мега-жоба» [[мемлекет]] тарапынан да қуатты қолдау көріп отыр. [[2011]]-жылы Үкімет ел экономикасына инвестиция тарту үшін арнайы ынталандыру-стимулдар пакетін әзірлеген. Бұл ретте салалық бағдарламада олардың үш пакеті қарастырылған екен. Осы арнайы стимулдардың үшінші пакеті - стратегиялық-инвестициялық жобаларға арналмақ. [[Индустрия және жаңа технологиялар министрлігі]]нің Инвестициялар комитетінің төрағасы Асылхан Серіковтің дерегінше, бұл пакет әртүрлі салықтар мен төлемдерді төлеуден босату, жобаны тең қаржыландыру, шетелдік жұмыс күшін әкелудің айрықша режимі, айрықша визалық режим, сондай-ақ ұзақ мерзімді мемлекеттік тапсырыс сынды қолдаудың ерекше шараларын қарастыруы мүмкін. «Бұған Астанадағы «Абу Даби Плаза» кешенінің жобасы мысал бола алады» деді ол. Шағын арман шаһарын шынайы өмір шындығына айналдыру үшін инвесторлар жалпы құны 2 миллиард долларға жуық инвестиция құюы мүмкін. Ал осы мол инвестициясына айырбас ретінде арабтар орасан зор преференцияларға қол жеткізді. Сөйтіп, құрылыс уақытында олар корпоративтік табыс салығы, мүлік және жер салығы сынды төлемдерден құтылатын болады. <br />

Содан 2009 жылдың тамызының соңында «''Абу Даби Плаза''» іргетасына ұрпақтарға арналған арнайы құтыны - естелік капсуланы Қазақстан Президенті Н.Назарбаев өз қолымен салды. Ол сондай-ақ бас қала картасындағы атаулы кешенге, елорда қонақтарының, дөңгеленген дүниенің әр тарабынан келетін туристтердің көзайымына айналары анық. «Бұл кешеннің ішіне өте көп нәрсе сыйыстырылып отыр, - деп атап өткен болатын сонда Нұрсұлтан Назарбаев. - Пәтерлер де, көпжұлдызды қонақүйлер де, ойын-сауық орталықтары да, сауда алаңдары да, тіпті театрлар мен көптеген басқалары да қарастырылған. Бұл - біздің мемлекетімізге арналған техникалық тұрғыдан жаңа әрі қызықты құрылым болмақ!» <br />

Расында, «Абу Даби Плаза» - [[Қазақ елі]] мен [[Біріккен Араб Әмірліктері]] арасындағы ынтымақтастықтың жарқын нысанына айналып отыр. Таяуда, 13 қазанда Қазақстан Көшбасшысы Нұрсұлтан Назарбаев БАӘ президенті, Абу Даби әмірі шейх Халифа ибн Зайд әл-Нахайянмен кездескен болатын. Биік деңгейдегі келіссөздер барысында екіжақты ынтымақтастықтың қазіргі жай-күйі мен оны дамыту перспективалары талқыланған. Атап айтқанда, «''Абу Даби Плаза''» ірі бірлескен жобаны жүзеге асыру және оған инвестиция тарту мәселелері әңгіме болыпты. <br />