Ұрықжолдастылар: Нұсқалар арасындағы айырмашылық

'''Ұрықжолдастылар''', плаценталылар (Eutheria, Placentalia) — қазіргі [[Сүтқоректілер|сүтқоректі жануарлардың]] инфракласы. [[Инфракласс]] — жануарлар жүйеленуінде класс тармағы мен отряды арасынан орын алады. Бұл класс өкілдерінің бәрінің де ұрық дамуында ұрықжолдасы қатысады (қараңыз [[Плацента]]). Ол [[ұрық|ұрықты]]ты жатырдың қабырғасындағы [[бұлшық ет|бұлшық еттермен]]термен байланыстырады. Ұрықжолдастыларда қалталы [[Сүтқоректілер|сүтқоректілерде]] болатын арнайы қалта және қалталы сүйектер болмайды. Ұрықжолдастылардың ұрпақтары жақсы жетіліп туады әрі өз беттерінше еме алады. Бұлардың астыңғы жақ сүйегінің бұрыштық өскіні ішке қарай иілмеген. Алдыңғы [[Ми|миы]] айқын ми сыңарларына бөлініп, оның сыртында ми қыртысы ([[неопаллиум]]) өте жақсы дамыған, әрі ми сыңарлары бір-бірімен сүйелді дене арқылы байланысқан. Ұрықжолдастылардың көпшілігінің тістері айқын жіктеліп, [[сүт]] және тұрақты тістерге бөлінген. Ересектерінің дене температурасы жоғары әрі тұрақты. Ұрықжолдастылардың қазіргі кезде 17—18 отряды бар: [[жәндікқоректілер]], жүнқанаттылар, [[қолқанаттылар]], [[приматтар]], толықемес тістілер, панголиналар, қоянтәрізділер, кемірушілер, киттәрізділер, [[жыртқыштар]], [[ескекаяқтылар]], түтіктістілер, тұмсықтылар, [[Даман|дамандар]], сирендер, сірітабандылар, [[тақтұяқтылар]] және [[жұптұяқтылар]]. Ұрықжолдастылар жер шарының барлық [[Құрлық|құрлықтары]] мен мұхиттарында кең тараған. Қазақстанда 8 отряды, 170-ке жуық түрі белгілі. Ұрықжолдастылардың жануарқоректі, өсімдікқоректі және аралас қоректенетін түрлері де кездеседі. Олардың көпшілік түрінің кәсіптік мәні бар. Ұрықжолдастыларды бағалы [[ұлпа|ұлпаны]]ны, терісі, еті, майы, т.б. өнімдері үшін аулайды.