Абай - қазақ әдебиетінің классигі (кітап)

«Абай - қазақ әдебиетінің классигі» («Абай - классик казахской литературы» ) - қазақтың біріккен мемлекеттік баспасынан 1949 жылы орыс тілінде жарық көрген кітапша. Авторы – М. С. Сильченко.

Еңбекте 19 ғ-дың 2-жартысындағы қазақ халқының әлеуметтік өмірінен деректер келтіріліп, Абайдың балалық, жастық, есею шақтарына шолу жасалады. Абайдың қазақ тарихында алатын орнына, оның қоғамдық, қайраткерлік қызметіне баға беріледі. Ақынның адамгершілікке, өнерге, білімге, ғылымға, еңбекке үндейтін өлеңдері талданып, шығармаларының гуманистік-ағартушылық сипаты, Абай аударған А. С. Пушкин, М. Ю. Лермонтов, И. А. Крылов туындылары сөз болады. Кітапша лекторларға, ғылыми қызметкерлерге, көпшілікке арналған. Көлемі 26. т., 10 мың дана болып басылған.