Авентин блогы

Авентин блогы (итал. Secessione dell'Aventino) - Италиядағы антифашисттік оппозиция партиялары мен саяси топтарының жетекшісі Джакомо Маттеоттиді өлтіргенен кейін құрылды. Авентин блогына Халықтық (католиктік), Республикалық, Социалисттік партияның өкілдері мен партияда жоқтар кірді. Оппозиция депутаттары парламенттен шығып, "Оппозициялық фракциялар комитетін" ұйымдастырды. Бұл "Авентин блогы" деп аталды.
Ол конституциялық тәртіпті қалпына келтіруді, Муссолиниді өкімет басынан тайдыруды талап етті. Компартия алғашқыда осы блокқа қосылды. Оны фашизмге қарсы белсенді күреске шақырды. Бірақ бұл талап қабылданбады. Сонан соң компартия Авентин блогынан шықты да, фашизмді әшкерелеу үшін парламентке қайта оралды. Авентин блогының енжар саясаты мен әлсіздігін пайдаланып, Муссолини елдегі буржуазиялық демократияның барлық қалдықтарын жойды да, 1926 ж. Авентин блогына тыйым салды.

Дереккөздер

• “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998