А́дам Ноа Леви́н (ағылш. Adam Noah Levine, 18 наурыз 1979 жылы туған, Лос-Анджелес) — американдық әнші, актер, вокалшы және Maroon 5 музыкалық тобының гитаршысы.

Адам Левин
Сурет
Негізгі ақпарат
Туған кездегі есімі

ِAdam Noah Levine

Туған күні

18 наурыз, 1979 жылы

Туған жері

Калифорния штаты, Лос-Анджелес

Белсенділік жылдары

1994 жылдан бастап

Мамандықтары

актер, әнші

Аспаптары

Гитара

Жанрлары

Rock, Pop

Лақап аттары

Sharky

Ұжымдары

Maroon 5
Kara's Flower

maroon5.com

Өмірбаяны өңдеу

Адам Калифорния штатының Лос-Анджелес қаласында 1979 жылдың 18 наурызында дүниеге келді. Ата-анасы Пeтси Ноа мен Фред Левин - лер. Адамның туған ағасы Майкл мен өгей әпкесі Джулия бар. Балалық шағында Адам әкесі жақтықтырған баскетбол тобында ойнады. Жеті жасында жергілікті YMCA чемпионаты кезінде Адам ойынның соңғы секундтарында шешуші допты салып, командасына жеңіс сыйлады. Адамның сөзі бойынша, осы оқиғадан соң ол өзімшіл бұзақыға әрі оптимистке айналды. Левин Festival of the Performing Arts Camp кезінде Джесси Кармайкл, Микки Мэдден мен Райан Дасикпен танысты. Оның дін сенімі — иудаизм. Адам бала кезінен Лос-Анджелес Лейкерс баскетбол командасының жанкүйері. Сонымен қатар, ол автокөліктердің ірі коллекциясының иегері. Көк түсті жылжымалы шатыры бар 1971 Mercedes 280 SE 3.5 Cabriolet – Адамның сүйікті автокөлігі. Адам ет өнімдерін тұтынбайды, вегетарианшыл. Амбидекстр — екі қолымен де жазып, сурет сала біледі, бірақ көбіне оң қолын қолданады. Бұрын ауыр салмақтарды көтерді. Соның нәтижесінде 2006 жылы төс қуысынан жарақат алып, ем алды. 2005 жылы бұғанасына зақым тиіп, Адам бұл спорт түрімен қош айтысты. 2007 жылы ол йогамен айналыса бастады. 2012 жылдан бастап Бехати Принслу екеуі жұп атанды. 2013 жылдың көктемінде ғашықтырдың арасына сызат түсті, алайда, жұп қайта қауышып, шілде айында Принслу мен Левиннің атастырылу салтанаты жайында белгілі болды. 2014 жылдың 19 шілдесінде неке қию салтанаты өтті. 2013 жылдың қарашасында «People» журналы Адамды “планетадағы ең тартымды еркек” тағайындады.

Kara’s Flowers өңдеу

1995 жыл шамасында Адам жолдастары Джесси Кармайкл, Райан Дасик пен Микки Мэдденмен бірлесіп, Kara’s Flowers тобының негізін қалады. Оның айтуы бойынша, топтың атауы төртеуі де ұнатқан бойжеткеннің құрметіне қойылды. Reprise Records-тың контрактына қол қойып, 1997 жылы The Fourth World альбомын жарыққа шығарды. Өкінішке орай, альбом тындармандардың көңілінен шықпады. Сонымен қатар, топ мүшелері Беверли Хиллз сериялының 8 сезонының 3 бөлімінде (эпизод «Forgive and Forget» деп аталды) арнайы қонақтар ретінде шақырылды. Reprise Records жас топпен шартын бұзды. Осыдан кейін Адам мен Джесси Five Towns колледжіне оқыға кетіп, 6 семестр дәріс алады. Ал Райан мен Микки Лос-Анджелесте қалады.

Maroon 5 өңдеу

2001 жылы Адам мен Джесси Лос-Анджелеске оралып, Райан мен Миккимен қайта жүздеседі. Музыканттарға Джеймс Валентайн қосылып, «Maroon 5» тобының негізі қаланады. Осы жолы топ A&M/Octone Records-пен контрактқа отырады. 2002 жылы олар Адамның бұрыңғы қызының атына қойылған Songs about Jane альбомын шығарыды. Альбомның көпшілік әндері де Джейнге арналған. Бірнеше айдан соң альбом чарттарды жетекші орындарды иелей бастады. Осы альбом ішінде «Harder To Breathe», «This Love», «She Will Be Loved» және «Sunday Morning» секілді топтың ең танымал сингдары бар. Мұнымен ғана шектелмей, топ «1.22.03.Acoustic» пен «Live — Friday the 13th» Live-Альбомдарын шығарды. 2005 жылы музыканттар «Ең үздік орындаушы» номинациясында өздерінің алғашқы Грэмми премияларына қол жеткізді. 2006 жылы олар «This Love» синглінің арқасында «Дуэт немесе топпен ең үздік вокалдық орындау» номинациясында екінші Грэмми премиясын иеленеді. 2007 жылы Maroon 5 «It Won't Be Soon Before Long» деген атаумен екінші альбомын шығары. «Makes Me Wonder» Billboard хит-парадында 1 позицияға көтеріліп, топқа үшінші Грэмми премиясын сый етті.

Басқа проекттері өңдеу

Адам Левин Канье Уэст, Алишия Кис, Ying Yang Twins, Gym Class Heroes, Slash, Rihanna, Christina Aguilera, K'Naan, PJ Morton, 50 Cent, Eminem, The Lonely Island, Kendrick Lamar секілді орындаушлармен бірлесе отырып, ән жазды. 2008 жылдың қазанында музыкалық инструменттер жасаумен айналысатын First Act компаниясы Адамның қатысуымен First Act 222 Guitar Line деп аталған гитаралар сериясын шығарды. 222 — Адамның сүйікті саны, осыдан гитаралар атауы да туындады.

Дереккөздер өңдеу

↑ Как произносится Adam Levine. Forvo (20 қараша 2013). ↑ Levin-Epstein, Amy (date unknown), «Big Shot». MSN, courtesy of Best Life. ↑ Елена Субботина. Музыкант Адам Левин признан самым сексуальным мужчиной планеты (рус.). Российская газета. rg.ru (20 қараша 2013). ↑ (9 қазан 2008), «Adam Levine Interview: First Act 222 Guitar». YouTube.com