Адмирал

Адмирал (нидер. admіraal, араб.: أمير البحر‎ – теңіз әміршісі) — әскери-теңіз флотында жоғары дәрежедегі офицерлерге берілетін әскери шен.

Адмирал
Адмирал иық белгісі
Мемлекеті	Қазақстан
Жоғары шен	Флот адмиралы
Кіші шен	Вице-адмирал
Аналогы	Генерал-полковник

Тарихы

Еуропа елдерінде XII ғасырда теңіз ұрыстарында адмирал — негізгі әскер күштерді (кордебаталия), вице адмирал — алдыңғы шепті (авангард), контр-адмирал — қорғаныс күштерін басқарды. 1706 жылы І Пётр Ресей империясында 4 түрлі адмирал атағын енгізді: генерал адмирал (құрлықтағы әскери күштердің генерал-фельдмаршал дәрежесіне сәйкес), адмирал (толық дәрежелі генерал), вице адмирал (генерал-лейтенант) және контр адмирал (генерал-майор). Адмиралдық атақ Кеңестік ӘТФ-ында КСРО Жоғарғы Кеңесі Президумының 1940 жылғы 7 мамырдағы қаулысымен еніп, бекітілді. 1955 жылғы 3 наурыз, 1962 жылғы 28 көкек және 1971 жылы 18 ақпандағы қаулылар негізінде енгізілген қосымшалар мен нақтылауларға сәйкес адмирал атағының 5 түрлі дәрежесі болды: контр адмирал, вице адмирал, адмирал, флот адмиралы және Кеңестер Одағы флотының адмиралы, сонымен қатар инженерлік кеме құрамы үшін контр-адмирал-инженер, вице адмирал-инженер және адмирал-инженер. Кеңестік ӘТФ құрамында: Владимирский Л.А., вице-адмирал Усатов М.А., контр-адмиралдар Хорошкин Б.В. мен Порошин В.А. сияқты қазақстандықтар болды.