Адрес

Адрес (франц. adresse — бағыттау) — 1) Есептеу техникасында —

• мәліметтер орналастырылатын жад өрісінің (ұяшықтар немесе есте сақтау құрылғысының аймағы) символдық белгісі;
• адрес деп ЭЕМ командасының адрестік бөлігін де атайды;
• компьютер желілерінде — бір жерден екінші жерге берілетін мәліметтерді жіберуші мен алушының тұрған орындары.

Адрес(Адрес; address) — құрылғыны немесе жад ұяшығын белгілейтін сан, символ немесе символдар тобы. Мысалы, 1) ақпарат элементінің компьютер жадында орналасқан орнын көрсететін цифрлардан тұратын немесе цифр мен әріп араласқан белгі; 2) команданың мәліметтер орналасқан орынды немесе мәліметтердің өзін анықтайтын кез келген бөлігі; 3) есептеу торабының жұмыс бекетін немесе есептеу торабы арқылы тасымалданып жатқан мәліметтер кестесін нақты анықтайтын сандар жиыны; 4) компьютердің жедел жадына мәліметтер жазу/оқу үшін қолданылатын оның кез келген ұяшығының нөмірі; 5) байланыс желілеріндегі электрондық пошта немесе Интернет мәліметтерінің (хабарламаларының) адресі. Электрондық пошта адресі, мысалы, BAXIT@NURSAT.KZ, мұнда @ белгісі арқылы екіге бөлініп жазылған "кімге" (пайдаланушының аты Baxit) және"қайда" деген домен (түйінді компьютерлер) аты мен мекеменің типі немесе әртүрлі деңгейдегі домендік адрестерден құралады.