Александр Стюарт, Мар графы
Александр Стюарт (ағыл. Alexander Stewart; шам. 1375—1435), Мар мен Гариох графы (1404 ж. бастап) - Стюарттар әулетінен шыққан барон, шотландық биік таулар аймағының орталық билікке бағындыру қозғалысының көшбасшысы.
| Александр Стюарт ағыл. Alexander Stewart | ||
| ||
| Лауазымы | ||
|---|---|---|
| ||
| 1426 — 1435 | ||
| Өмірбаяны | ||
| Дүниеге келуі | шам. 1375 | |
| Қайтыс болуы | 1435 | |
| Династия | Стюарттар | |
| Әкесі | Александр Стюарт, Бьюкен графы | |
| Анасы | Эханның қызы Мариота | |
| Жұбайы | Изабелла Дуглас, Мэри ван Хорн | |
| Балалары | Томас Стюарт | |
өңдеу  |
||
Өмірбаяны өңдеу
Александр Шотландия королі Роберт II-нің төртінші ұлы, Бьюкен графы, Александр Стюарттың ұлы.
1404 жылы Мар мен Гариох графинясы, Изабелла Дугласқа үйленіп, солтүстік шотландияның етегіндегі кең графтықты алды. Белсенді жауынгер, француз ханзадаларына бірнеше рет әскери көмек көрсетуді ұсынған және Бургундия герцогымен герцогы Льежге 1408 жылы әскери жорыққа қатысты.
Әкесінің саясатын жалғастыра отырып, Александр елдің таулы бөлігін орталық билікке бағындыру қозғалысының көшбасшысы болды. Бұл күреске Шотландия регенті, Олбани герцогы белсенді қолдау көрсетті. Таулы кландардың көшбасшысы Батыс Шотландияның таулы аймақтары мен Гебрид аралдарының жартылай тәуелсіз билеушісі - Аралдар лорды, Дональд Макдональд болды. 1411 жылы Олбани герцогы мен Аралдар лорды арасында солтүстік Шотландиядағы Росс графтығы үшін күрес басталды. Макдональдтың әскері Инвернессті басып алды да, Абердинге шабуыл жасады. Оларға Александр Стюарттың әскерлері қарсы тұрды. 1411 жылы 24 шілдеде Харлоу түбіндегі шайқас өтті, ол екі жаққа да шешуші жеңіс әкелмеді, бұл таулықтар мен орталық биліктің арасындағы теңгерімді көрсетті.
1420 жылы Мар мен Гариох графы Шотландияның жаңа регенті Мердок Стюартпен одақ құрды да, шотландық теңіз флотының адмиралы болып тағайындалды. Алайда, Яков I еліне қайтып келген соң, ол патшаның жағына шықты. Яков I елдің таулы бөлігін бағындыру саясатын жалғастырды. 1431 жылы Александр Стюарт Лохаберге жорыққы аттануға қамданды, бірақ батыс Шотландияның таулықтары Инверлохи түбіндегі шайқаста оны жеңді. Өлім мен тұтқындылықтан құтыла алған граф, шотланд тауларында ұзақ уақыт қаңғырғанна кейін өз иелігіне оралды. Инверлохидегі жеңіліс ұзақ уақыт бойы таулы кландарды патшалық биліктің басып алуын тоқтата тұрды.
Оның бір заңсыз ұлы бар: Томас Стюарт, Бьюкен графы, Джон Стюарттың жесірі Элизабет Дугласқа үйленген. Ол әкесі тірі болған кезде қайтыс болды. Сонымен қатар, Дуарттық Лахлан МакЛинге тұрмысқа шыққан бір заңсыз қызы - Джанет болды деп есептейді.
1435 жылы мұрагерсіз қайтыс болған Александр Стюарттың мүлкі Яков I-ге өтті.