Аманбай Охасұлы Қасанов

Аманбай Охасұлы Қасанов (24 тамыз 1959 жыл Гурьев) — мұнайшы, мұнай-газ саласының еңбек сіңірген қызметкері

Аманбай Охасұлы Қасанов
Туған күні

24 тамыз 1959 (1959-08-24) (64 жас)

Туған жері

Атырау

Азаматтығы

 Қазақ КСР
 Қазақстан

Марапаттары мен сыйлықтары
Мұнай-газ саласының еңбек сіңірген қызметкері

Өмірбаян өңдеу

Аманбай Охасұлы Қасанов 1959 жылдың 24 тамызында Гурьев қаласында дүниеге келген. Ол Қасанов Охас және Дүсіпова Рижаның отбасында дүниеге келген жеті баланың үшіншісі. Руы Есентемір, Бердімбет бөлімі Кіші жүзден тараған.

1985 жылы Губкин атындағы Мәскеу мұнай институтын "тау-кен инженері" мамандығы бойынша бітірген.

1985-1989 жылдары институтты бітіргеннен кейін еңбек жолын Жайықмұнай МГӨБ-де бастады. Оператор, содан кейін мұнай өндіру шебері, ұңғымаларды жерасты жөндеу шебері болып жұмыс істеді. Атырау облысындағы Камышитовое, Оңтүстік - Шығыс Камышитовое, Забурунье жаңа кен орындарын сынауға және іске қосуға тікелей қатысты.

1989-1992 жылдары Тенгизнефтегаз МГӨБ-де Теңіз кәсіпшілігінде инженер-технолог болып жұмыс істеді, жаңа ұңғымаларды, топтық өлшеу қондырғыларын, сондай-ақ зауыттық слаг-кетчерді жинақтаумен және іске қосумен, содан кейін 1991 жылдың сәуірінде іске қосумен айналысты (пуско- наладка). Содан кейін 1991 жылдың сәуірінде сол қондырғыларды жіберу кезеңінде жауапты болды.

1992 жылы Теңіз мұнай өңдеу зауытының (МӨЗ) тауарлық мұнай мен сұйытылған газды жөнелту, сақтау цехының бастығы болып ауысты. Кейінгі жылдары зауыттың сыртқы нысандарын басқарушысы болды. Мұнай, сұйытылған газ сапасын жақсарту, мұнайды терең тазарту үшін зауыт қондырғыларында мұнай өңдеу процесін өзгерту жөніндегі бағдарламаға басшылық етті.

1998-2000 жылдары Теңізшевройл жетекші мамандардың бірі ретінде Ұлыбританияның Кемберли қаласындағы Флюор инженерлік компаниясының кеңсесінде “12 Бағдарлама” жобасын жасауға, кейін Теңізде жаңа қондырғылар құрылысына қатысты.

2000-2002 жылдары Теңіз МӨЗ-ның сыртқы нысандарының басқарушысы лауазымында, ұлттық кадрларды даярлаумен және дамытумен тығыз айналысты.

2002-2005 жылдары Теңізшевройл-да Шеврон корпорациясының көптеген бағдарламаларын бейімдеумен және енгізумен айналысты. Сан-Рамон қаласындағы Шеврон бағдарламаларын стандарттауға қатысты. Шеврон бағдарламаларын жетік меңгергенін ескеріп, 2003 жылы Венесуэладағы Маракайбо қаласындағы Шеврон бөлімшесін бағдарламалар жөнінде аудиттеуге, жеті Шеврон адамының біреуі болып қатысты.

2005-2007 жылдары Теңізшевройл күрделі жобалар бөлімінде мұнай экспорты жобасы менеджерінің орынбасары. Содан кейін мұнай жинаудың жаңа жүйесі ірі күрделі жобасының менеджері. Жобаны іске асыру кезінде Теңіздегі құрылысқа, жоба қауіпсіздігіне, Қазақстан, Ресей және Украина темір жол арқылы экспорттау жүйесінің кеңеюіне байланысты еңбек етті.

2007-2009 жылдары Теңізшевройл Өндірістегі мұнай жинау жүйесі жобасының менеджері. Бұл күрделі жоба Теңіз кенішіндегі ұңғыдан топтық өлшеу қондырғыларына (ГЗУ) дейін, және Зауыт манифольдіне дейін ескі құбырларды жаңа және қуаттылығы басым құбырларға ауыстырумен айналысты.

2009-2011 жылдары Теңізшевройл (келешек кеңею жобасы) Ерте жұмыс Құрылысының менеджері қызметін атқарды. Бұл бөлім болашақ “Өркен” тұрғын-үй комплексін, ККЖ мердігерлерінің құрылыс базасын жобалаумен айналысты.

2011-2014 жылдары Ұлыбританияның Фарнборо қаласындағы ККЖ жобасында Өндіріс бөліміне: кадрлар дайындау, жұмысқа оқыту программасы, жұмыс процестерін жоба кезінде ыңғайландыру, өндіріс және ремонт кеніштерін жобалау жұмыстарының менеджері болып қызмет атқарды.

2014-2017 жылдары Теңізшевройл негізгі өндірісте аға кеңесші лауазымын атқарды, онда ТШО өндіріс жүйелерін, жер үсті жабдықтарын оңтайландыруға және бірінші энергетикалық аудит жүргізуге жауапты болды. Осы лауазымда 2016 жылы АҚШтың Питсбург қаласындғы Шевронның бөлімшесі AMBU (Appalachian Michigan Business Unit) де болған аудитке қатысты. Бұл аудит Өндіріс жүйелерін, жер үсті жабдықтарды пайдалану процестеріне қатысты болды.

2017 жылы Теңіз кен орны мен МӨЗ орнындағы ескірген, пайдаланылмайтын жер үсті жабдықтарын, жер асты құбырларын, жарамсыз ғимараттар мен пайдаланбайтын құрылыстарды демонтаждау, жерді қалпына келтіру бағдарламасын әзірлеп, енгізумен айналысты.

2018 жылдан бастап қазіргі уақытқа дейін Теңіздегі Вахталық қалашықты Қайта Құру ірі күрделі жобасының менеджері.

Отбасы өңдеу

Зайыбы – Әлия Қайыркеқызы, балалары Ляззат, Салтанат [1], немересі Арлан.

Марапаттары өңдеу

  • Мұнай-газ саласының медальдарымен және Теңізшевройл компаниясының құрмет грамоталарымен марапатталған.
  • “Kazenergy” медалінің иегері (2017)
  • “Қазақстан мұнайына 120 жыл” мерекелік медалі (2019)
  • "Мұнай-газ саласының еңбек сіңірген қызметкері" төсбелгісі (2020)

Дереккөздер өңдеу

  1. https://centrasia.org/newsA.php?st=1134970440