Андрей Анатольевич Бегенеев

Андрей Анатольевич Бегенеев - 1961 жылғы 26 шiлдеде Ақмола облысы Астрахань ауданының Қайнар ауылында туған. Целиноград инженерлiк-құрылыс институтын бітірген.

Еңбек жолын 1978 жылы Қорған қаласы «Қазақтранстехмонтаж» тресі Водрем 73-те екінші разрядты слесарь-сантехник болып бастаған.

1979 жылы - Гурьев қаласы «Қазақтранстехмонтаж» тресінің № 256-шы құрылыс-монтаж поезында үшінші разрядты слесарь-сантехник.

1980 – 1982 жылдары Кеңес Армиясы қатарында әскери борышын өтеген (Киев,Чита).

1985 жылы - Целиноград қаласында «Жиһаз» дүкенінің суретшісі.

1987 жылы - Қарағанды металлургия комбинатының сумен жабдықтау цехында бесінші рязрядты слесарь-сантехник.

1988 жылы - су құбыры желiлері учаскесінің шебері.

1990-1991 жылдары - су құбыры желiлері учаскесінің бас шебері.

1991 жылы - Ақмола облысы Астрахань ауданының Бiрiншi май кеңшарына бесіншi разрядты бақташы болып қабылданған, ал 1992 жылы құрылыс учаскесінің жұмысшысы болып ауыстырылды.

1992 жылы - Қарағанды металлургия комбинаты сумен жабдықтау цехының су құбыры желілері учаскесінің бастығы.

1995 жылы - «Испат – Кармет» АҚ сумен жабдықтау цехы бастығының орынбасары.

1997 жылы - «Испат – Кармет» АҚ сумен жабдықтау цехының басшысы.

2011-2012 жылдары - Темiртау Арселор Миттал АҚ баскармасы дирекциясының сумен жабдықтау жөніндегі бас маманы.

2012 жылғы қаңтар – бесінші сайланған Қазақстан Республикасы Парламентi Мәжiлiсінің депутаты, «Нұр Отан» Халықтық Демократиялық партиясының мүшесі, партиялық тізім бойынша сайланған.

«Құрмет» орденімен, «Қазақстан магнитқасына 50 жыл» медалімен марапатталған.

Үйленген, екі баласы және немересі бар.


Сілтемелер өңдеу

Мәжілістің құрамы мен құрылымы, БЕГЕНЕЕВ Андрей Анатольевич