Ауа винті
Ауа винті - авиациялық қозғалтқыш білігіндегі айналдыру моментін тарту күшіне түрлендіретін қозғалтқыш. Ол поршеньді және турбовинтті қозғалтқыштармен жұмыс істейтін ұшақтарда, тікұшақтарда, дирижабльдер мен аэрошаналарда қолданылады.
Ауа винті айналғанда винт қалақшасынан серпілген ауа ағыны аэродинамикалық күш туғызады. Ауа винті үш қалақшалық, төрт қалақшалық, ал жеңіл ұшақтар үшін екі қалақшалы етіп жасайды. Қалақша үшін әдетте дюраллюминий, кейде болат, ал жеңіл ұшақтар үшін ағаш не пластмасса пайдалынады. Ауа винтінің пайдалы әсер коэффициентін арттыру және айналу жылдамдығын оптимальды шамаға келтіру үшін айнымалы адымды винт қолданылады[1].
Дереккөздер өңдеу
- ↑ Қазақ Совет энциклопедиясы/Бас редакторы М.Қ.Қаратаев - Алматы, 1972, 1 том
Ортаққорда бұған қатысты медиафайлдар бар: Ауа винті
