Аурулардың халықаралық жіктемесі
Аурулар мен денсаулыққа байланысты мәселелердің халықаралық статистикалық жіктемесі (ағылш. International Statistical Classification of Diseases and Related Health Problems) — денсаулық сақтаудың жетекші статистикалық және жіктемелік негізі ретінде қолданылатын құжат. Әр бір он жыл сайын Дүниежүзілік денсаулық сақтау ұйымының (ДДСҰ) бақылауымен қайта қаралып отырады. Аурулардың халықаралық жіктемесі методикалық әдістер мен материалдардың халықаралық салыстырымдылығының бірлігін қамтамасыз ететін нормативтік құжат болып табылады.
Қазіргі кезде "Аурулардың халықаралық жіктемесінің оныншы қайта қарауы" (АХЖ-10, ICD-10)
Қазақстан денсаулық сақтау саласының ақпараттық жүйесінде АХЖ-10 қолдануды 2010 жылдан бастады[1].
АХЖ мақсаты, міндеттері және қолдану аясы өңдеу
АХЖ мақсаты – жүйелеген тіркеу, сараптама, әр түрлі уақытта әр түрлі мемлекеттер мен аймақтардан алынған өлім мен аурушаңдық жайлы мәліметтерді салыстыру мен интерпретациялау үшін жағдай жасау. АХЖ аурудың немесе басқа да денсаулыққа байланысты мәселелердің диагнозының ауызша тұжырымдамасын мәліметтерді сақтауға, пайдалануға және талдауға қолайлы әріптік-сандық тұжырымдамаға айналдыру үшін қолданылады.
Дереккөздер өңдеу
- ↑ Қазақстанның денсаулық сақтау саласының ақпараттық жүйесінде оныншы қаралымның денсаулығына байланысты аурулар мен проблемалардың халықаралық статистикалық жіктемесін қолдану жөніндегі нұсқаулықты бекіту туралы Қазақстан Республикасы Денсаулық сақтау министрлігінің 2009 жылғы 19 қазандағы № 543 бұйрығы