Ацтека (стадион)

«Ацтека» (исп. Estadio Azteca, «эстадио астека») — Мексиканың астанасы Мехикодағы футбол стадионы. Әлемдегі ең ірі ареналардың бірі. Екі бірдей Футболдан әлем чемпионатының (1970, 1986) финалы ойнатылған. Теңіз деңгейінен 2200 метр жоғарыда орналасқан.

Fwntrf

Сәулетшісі
Орналасуы	Мехико, Мексика 19°18′10″ с. е. 99°09′02″ б. б.19.3029361° с. е. 99.1507833° б. б. / 19.3029361; -99.1507833
Салынған	1961 жыл
Ашылған	1966 жыл
Қайта өңдеуден өткені	1985 жыл
Сыйымдылығы	87,523
Торбеті
Иесі	Televisa
Командасы	Америка Мексика
Габарит	105x68

Тарихы

1968 жылғы Жазғы Олимпиадалық ойындарындағы ареналардың бірі. Құрылысы 1961 жылы басталып, 1966 жылы пайдалануға берілді. 1970 жылы дәл осы стадионда Бразилия Ұлттық футбол құрамасы Италияны 4:1 есебімен ұтып, Алтын Нике кубогын мәңгілікке өздерінде қалдырған. Мехиконың "Америка" клубы мен Мексика Ұлттық футбол құрама командалары өз алаңындағы ойындарын өткізетін арена.

Стадион сыртынан қарағанда оншалық зәулім көрінбейді, себебі, көгал төселген алаң көшенің деңгейінен 9 метр төменде.

1986 жылы 17 тамызда «Америка» — «Гвадалахара» матчнда төреші Антонио Маркес 71-минутта алаңдағы 22 футболшының барлығына да қызыл қағаз көрсетіп, алаңнан қуған. Себебі, екі жақ болып, жаппай төбелесіп кетіп, төрешіні тыңдамай қойған. Ойын солайша соңына жетпей бітіп қалған.

Дәл қазіргі уақытта стадионға 105 мың адам жайғаса алады. 1993 жылы Хулио Сесар Чавес — Грег Хоген кәсіпқой бокс жекпе-жегін 132 247 көрермен тамашалапты.

Стадионда өткен ірі жарыстар

• Жазғы Олимпиадалық ойындар 1968
• ӘЧ-1970 матчтары (финалмен қоса)
• Панамерикан ойындары: 1975
• Футболдан жастар арасындағы әлем чемпионаты 1983
• ӘЧ-1986 матчтары (финалмен қоса)
• КОНКАКАФ кубогы 1993, 2003
• Конфедерациялар кубогы 1999
• Либертадорес финалы 2001 (Крус Асуль — Бока Хуниорс)

Сыртқы сілтемелер

• Ресми сайты

Ортаққорда бұған қатысты медиа файлдар бар: Category:Estadio Azteca