Бакен сирек металдар кен орны
Бакен сирек металдар кен орны - Шығыс Қазақстан облысы Ұлан ауданындағы Асубұлақ елді мекенінен 18 км жерде орналасқан тантал және ниобий өндірілетін пегматитті кен орны. 1948 жылы ашылған. Зерттеу және барлау жұмыстары 1948-1970 жылдары жүргізілді.
Геологиялық құрылымы өңдеу
Кен алаңы Қалба-Нарын сирек металдар белдеуіндегі тектоникикалық жарылымдардың қиылысында жатыр. Оның құрылымына шөгінді, метаморфты жыныстар мен Қалба гранитоидты кешенінің жыныстары кіреді.
Жатыс сипаты өңдеу
Ауданы 3,5 км2 болып келетін кен орны тақта, желі, линза пішінді 100-ден астам кен денелерінен тұрады. Желілер субмеридианды бағытта, 150-180 м-ден 500 м-ге дейін созылған, қалыңдығы 2- 6 м-ден 22 м-ге дейін жетеді.
Минералдар өңдеу
Негізгі минералдар — колумбит-танталит, поллуцит, қосалқы минералдар — апатит, касситерит, сподумен, турмалин, слюда, т.б. Бакен сирек металдар кені ашық әдіспен және жер астынан қазу арқылы 1955 жылдан игерілуде.[1]
Дереккөздер өңдеу
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, II том;
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |