Балғабек Әбдіқайымұлы Мырзаев

Балғабек Әбдіқайымұлы Мырзаев 10 қаңтар 1971 жылы туған, Оңтүстік Қазақстан облысы - танымал дінтанушы, елімізде білім алған алғашқы дінтанушы маман. Қожа Ахмет Ясауи атындағы Халықаралық Қазақ-Түрік университетінің Шығыстану факультетін дінтану мамандығы бойынша бітірген.

1995 жылы Түркия Республикасы Анкара қаласы Анкара университетіне магистратураға түсіп, Дінтану магистрі академиялық дәрежесін алды.

1997 жылы Түркия Республикасы Анкара қаласы Анкара Анкара университетіне Ислам тарихы мамандығы бойынша докторантураға түсіп 2002 жылы бітірген.

1995 - 2002 жылы Түркия Республикасының Анкара қаласындағы А. Ясауи атындағы Халықаралық Қазақ-Түрік университеті, Анкара филиалының ғылыми қызметкері болып жұмыс істеді. Сонымен қатар, біліктілікті көтеру курстары бойынша 2001 жылы Түркия Республикасы Башкент университетінің Сапа мененджментінің басқару курсын, 2002 жылы Түркия Республикасы Халықаралық қатынастар және Қоғамдық Басқару Орталығының арнайы құрсын бітіріп, диплом алды.

2002 жылы Қазақстанға оралып, Қ.А. Ясауи атындағы Халықаралық Қазақ-Түрік университеті Президентінің көмекшісі лауазымына тағайындалды.

2003 жылғы қыркүйек айынан қазан айына дейін Қ.А.Ясауи атындағы Халықаралық Қазақ-Түрік университеті Халықаралық қатынастар бөлімінің бастығы болып жұмыс істеді.

2003 жылдың қазан айынан бастап Қ.А. Ясауи атындағы Халықаралық Қазақ-Түрік университеті «Дінтану» кафедрасының меңгерушісі.

2006 - 2010 жылдары Қазақстан Республикасы Әділет министрлігінің Діни істер комитеті ұйымдастыру және талдау бөлімінің бас маманы, сарапшысы қызметтерін атқарды.

2008 жылы мамыр айынан бастап Қазақстан Республикасы Әділет министрлігінің Діни істер комитетінің діни бірлестіктермен байланыстар басқармасының бас сарапшысы қызметін атқарды.

2010 жылы сәуір айынан бастап ҚР Мәдениет министрлігі Діни істер комитетінің діни бірлестіктермен байланыстар жөніндегі Басқарма бастығы лауазымына тағайындалған. 2010 жылдан бері Ислам мәдениетін қолдау білімі мен қорының атқарушы директоры қызметін атқарып келді.

2011 жылдың қараша айы - 2013 жылдың ақпан айы аралығында ҚМДБ-ның Аппарат басшысы қызметін атқарды.

2013 жылдың ақпан-маусым айлары аралығында Қазақстан мұсылмандары діни басқармасының сараптама бөлімінің меңгерушісі лауазымында қызмет атқарды.

2013 жылы Қазақстан Республикасының Дін істерi агенттігінің Исламдық діни бірлестіктермен жұмыс басқармасының бас сарапшысы болып тағайындалды.

2014 жылы Қазақстан Республикасының Дін істерi агенттігінің Исламдық діни бірлестіктермен жұмыс басқармасының басшысы болып жұмыс атқарды.

2015 жыл Қазақстан Республикасының Дін істерi агенттігінің Дінтану сараптамасы басқармасының басшысы лауазымына тағайындалып, осы қызметті 2017 желтоқсан айына дейін атқарды.

2017 жылдың желтоқсан айында Дін істері және азаматтық қоғам министрлігі Дін істері комитеті төрағасының орынбасары лауазымына тағайындалды.

2018 жылын Ақпарат және қоғамдық келісім министрлігінің Дін істері комитетінің төрағасы орынбасары лауазымына қайта тағайындалып, осы лауазымды 2019 жылдың апрель айына дейін атқарды.

2017 жылы "Ерен еңбегі үшін" медалiмен, 2018 жылы "Қазақстан Республикасының Конституциясына 25 жыл" мерекелік медалімен, Қазақстан мұсылмандары діни басқармасына 30 жыл медалімен, Қожа Ахмет Ясауи атындағы халықаралық қазақ-түрік университетінің 30 жылдығына орай медалімен марапатталған.

"Мемлекет және Дін" кітабының авторы, "Ислам дінінің негіздері", имам Матуриди "Китап ат-Таухид", 7 томдық "Хадистер аясында Ислам Тарихы" атты кітаптарды түрік тілінен қазақ тіліне аударған авторлардың бірi болып табылады.

2008 жылы «Діни терминдер» сөздігін құрастырып, Қазақстан Республикасы Әділет министрлігінің Діни істер комитетінен 1000 данамен басылып шықты.

Дінтану, Ислам тарихы, Ислам философиясы, мемлекеттік-конфессиялық қатынастар, халықаралық саясат, діни сенім бостандығы және діни бірлестіктер, Қазақстан Республикасындағы діни ұйымдардың қызметтері мәселелері бойынша 100-ге жуық мақалардың авторы.

Қазақ, орыс, түрік, араб, өзбек, әзербайжан және қырғыз тілдерінде еркін сөйлейді. Ағылшын тілін "Интермедиед" деңгейінде меңгерген.Сонымен қатар, шағатай, парсы және неміс тілдерінде сөздікпен еркін жұмыс жасайды.