Бекен Имаханов

Бекен Имаханов (20 қараша 19364 желтоқсан 2023) — кеңестік және қазақ актері. Қазақ КСР халық әртісі (1981). Семей қаласының Құрметті азаматы.

Бекен Имаханов
Туған күні

20 қараша 1936 (1936-11-20)

Туған жері

Абай ауданы, Шығыс Қазақстан облысы, Қазақ КСР, КСРО

Қайтыс болған күні

4 желтоқсан 2023 (2023-12-04) (87 жас)

Азаматтығы

 КСРО
 Қазақстан

Қызметі

актер, театр педагогы

Белсенді жылдары

19592023

Театр

Абай атындағы Семей мемлекеттік қазақ музыкалық драма театры

Марапаттары

Өмірбаяны өңдеу

Бекен Имаханов 1936 жылы 20 қарашада Шығыс Қазақстан облысы, Абай ауданында дүниеге келген. 1955–1959 жылдары Қазақ ұлттық консерваториясының актерлік факультетін бітірген. 1959 жылдан Абай атындағы қазақ музыкалық драма театрының сахнасында өнер көрсетті.

Ойнаған рөлдері өңдеу

Тұңғыш ойнаған рөлі – Ғ.Мүсіреповтың “Қозы Көрпеш – Баян сұлу” спектакліндегі Қодар.

Сахнада Ақан, Бекежан (Мүсіреповтың “Ақан сері – Ақтоқтысы” мен “Қыз Жібегінде”), Абай (М. Әуезов пен Л.С. Соболевтің осы аттас трагедиясында), Қобыланды, Кебек (Әуезовтің “Қара қыпшақ Қобыландысы” мен “Еңлік – Кебегінде”), Бауыржан Момышұлы (А.А. Бектің “Волоколам тас жолы” повесі бойынша қойылған спектакльде), Дуанбасы (Н.В. Гогольдің “Ревизорында”), Танат (М. Сәрсекеевтің “Жарылысында”), Құрманғазы (М. Ибраевтың “Кісен ашқанында”), Құрбан (Қ. Мұхамеджановтың “Жат еліндесінде”), т.б. басты тұлғаларды өзіндік өрнекпен мүсіндеді.

Актер 1971–72 жылғы театр маусымында Қазақ драма театрына арнайы шақырылып, бірнеше спектакльге (Д. Файзидің “Башмағымында” Тыңшы рөлі, т.б.) қатысып ойнады.

“Шәкерімнің соңғы күзі” атты толық метражды түрлі-түсті фильмде Шәкерім бейнесін жасады.[1]

Марапаттары өңдеу

  • 1969 жылы Қазақ КСР Еңбегі сіңген әртісі
  • 1970 жылы Қажырлы еңбегі үшін Лениннің туғанына 100 жыл медалі
  • 1981 жылы Қазақ КСР халық әртісі құрметті атағы берілді
  • КСРО-ның Еңбек ардагері медалі
  • Тәуелсіз Қазақстанның "Ерен еңбегі үшін" медалімен марапатталған
  • Семей қаласының Құрметті азаматы атағының иегері
  • 2015 жылы "Ұлы Отан соғысына 70 жыл" медалі.

Дереккөздер өңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005. ISBN 9965-26-095-8