Брадикардия (гр. βραδυ - баяу және καρδιά - жүрек) — синус түйіннің өз қызметін атқара алмауы, яғни синусты түйіннің әлсіздігі салдарынан немесе автоматизм қызметінің бұзылысынан болатын жүрек ырғағының баяулауын айтамыз (кардиостимулятор). Синусты түйін жоғарғы және төменгі қуыс көктамырларының оң жақ жүрекшеге құятын жерінде, яғни оң жақ жүрекшенің құлақшасында орналасқан.

Синустық брадикардия деп жүректің соғу жиілігінің баяулауы, яғни синусты брадикардия кезінде жүрек соғу жылдамдығы минутына 60-тан төмен, яғни 30-50 соққыға дейін төмендейді, бұл синус түйінінің автоматизм қызметінің төмендеуіне байланысты болады.

Бұл жағдайдың себептері әртүрлі:

  • синус түйініне әсер ететін миокардтағы склероздық өзгерістер;
  • парасимпатикалық жүйке жүйесінің тонусының жоғарылауы;
  • инфекциялық-қабыну үрдістері (инфекциялық эндокардит, іш сүзегі, дифтерия т. б.)
  • интракраниальды қысымның жоғарылауы (церебральды ісіну, ісік, менингит, миға қан кетуімен);
  • дәрі-дәрмектердің әсері (digitalis, quinidine);
  • улану қорғасын, никотин;
  • гипотиреоз (қалқанша без функциясының төмендеуі);
  • аштық, іш сүзегі, сарғаю т.б.

ЭКГ белгілері өңдеу

Аритмияның бұл түрін клиникалық көрініс арқылы ғана емес, сонымен қатар электрокардиограмма арқылы да анықтауға болады.

  1. Жүрек соғу жиілігінің минутына 59-40 дейін төмендеуі.
  2. Синустың дұрыс ырғағын сақтау .
  3. I, II, aVF, V4-V6 жетекші позитивті Р толқыны.