Брошантит

Брошантит (француз минералогы Брошан де Вильердің құрметіне аталған) – сульфаттар класының минералы. Химиялық формуласы: Cu4SO4·(OH)6. Моноклиндік сингонияда кристалданады. Әдетте, ине тәрізді ұсақ кристалды друзалар, қабыршақ не тамшы түріндегі агрегаттар түзеді. Түсі қанық жасыл немесе күңгірт жасыл, шыныдай жылтыр. Қаттылығы 3,5 – 4; меншікті салмағы 3,8 – 3,9 г/см3. Құрғақ климаттық жағдайда сульфидті мыс кендерінің тотығу белдемінде түзіледі.