Бытыра – әр түрлі диаметрдегі домалақ қорғасын не шойын оқ. Қорғасынға аздап сүрме (сурьма) және тотияйын (мышьяк) құйып жасайды. Бытыраның көлемдері барлық елдерде бірдей болғанымен, әр елде әр түрлі белгіленеді. ТМД елдерінде ол 12-ден (диам. 1,25 мм) — 0000-ге дейін (диаметр 5 мм) дейін нөмірленеді. Қатарлас 2 нөмірдің (санның) айырмашылығы — 0,25 мм. Диаметр 5 мм-ден асқан Бытыраны “картечь” деп атайды. Бытыра құю қондырғыларда не арнайы қалыптарда штамптау әдісімен жүзеге асырылады. Бытыра әр түрлі калибрлі мылтықтарға арналған патрондарға дәріден кейін салынады. Кейде аңшылар өздері де қолдан құйып жасай береді. [1]

Дереккөздер өңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том