Бьорн Кёйперс

Бьорн Кёйперс (нидерл. Björn Kuipers, 'bjʏːrn 'kœypərs; 28 наурыз 1973, Олдензал, Оверэйсел, Нидерланд) — нидерландылық футбол төрешісі, Нидерландының жоғары дивизионында төрелік етеді. ФИФА және УЕФА төрешісі. Карьерасынды Чемпиондар Лигасы, УЕФА Еуропа лигасы, әлем чемпионаттары секілді ірі турнирлерде қазылық жасаған. 2014, 2018 жылғы әлем чемпионаттарының төрешісі.

Карьерасы өңдеу

Қазылық еткен алғашқы халықаралық турнирі — 2006 жылғы Еуропа жастар чемпионаты. 2009 жылы ФИФА төрешісі деген мәртебе алды. 2011 жылы тамыз айында "Барселона" мен "Порту" арасындағы УЕФА Суперкубогын басқарды.

2013 жылы 15 мамыр күні УЕФА Еуропа лигасының финалын басқарды, онда "Челси" және "Бенфика" командалары ойнады. Сол жылы 30 маусымда Конфедерациялар кубогының финалына да (Бразилия - Испания) төрелік етті.

2014 жылы 24 мамыр күні УЕФА Чемпиондар лигасының финалын басқарды, онда мадридтің қос клубы — "Реал" мен "Атлетико" ойнады.

2018 жылғы УЕФА Еруопа лигасының финалына ("Атлетико" - "Марсель") қазылық жасады.

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.